Library
Profile
ଜାଳ ବିଦ୍ରୋହର ବହ୍ନି
ଜାଳ ବିଦ୍ରୋହର ବହ୍ନି
କେତେଦିନ ଆଉ
ଅଶ୍ରୁ ଗଡାଇ ତୁ' କାରା କୋଠରୀରେ
ନିଜକୁ କରିବୁ ବନ୍ଦୀ
ଏଠାରେ ତ କେହି ନ୍ୟାୟ ଦେବେନାହିଁ
ସଭିଙ୍କ ପାଖରେ କାପୁରୁଷ ପଣ
ନ୍ୟାୟ ଯାଇଛି ହଜି ।
କେତେଦିନ ଆଉ
ଅନ୍ୟ ଭୁଲ୍ ପାଇଁ
କରୁଥିବୁ ଆତ୍ମହତ୍ୟା
ନାରୀ ଟିଏ ତୁ'ଅପରାଧି ନୋହୁ
ତୋର ବି ଅଛି ନିଜସ୍ୱ ଏକ ସତ୍ତା ।
ପୋଛି ଦେ ଅଶ୍ରୁ
ଶଶକ୍ତ ହୁଅ ତୁ'
ହୋଇ ଯା ରାଣୀ ଲକ୍ଷ୍ମୀ ବାଇ
ନିଜର ଭାଗ୍ୟକୁ ନିଜେ ତୁ' ଲେଖେ
ସୁନ୍ଦର ଜୀବନକୁ ଯାଆ ତୁ'ଜୀଇ ।
ଇତିହାସ ସାକ୍ଷୀ
ବିରାଙ୍ଗନା ସେ ବୀର ରମଣୀ
କେବେ ଦେଇ ନଥିଲେ ପଛଘୁଞ୍ଚା
ଛୋଟ ପିଲାଟିକୁ କାନ୍ଧରେ ବାନ୍ଧି
ବୀର ଦର୍ପରେ କରିଥିଲେ ଶତୃର ସାମ୍ନା ।
କାହା ଦୋଷ ପାଇଁ
ଆତ୍ମହତ୍ୟା କରି
କରନି ତୁ' ଆଉ ପାପ
ଅଣ୍ଟା ସଳଖି ବିଦ୍ରୋହ କରତୁ
ଖୋଲିଦେ ସଭିଙ୍କ ମୁଖା ।
ତୁ'ଚାଲିଯିବୁ ଅଫେରା ପଥରେ
ଝୁରିହେବେ ନିଜ ଲୋକ
ଦୋଷୀଟି ବୁଲିବ ଖୋଲା ଆକାଶ ତଳେ
କେବେ ଖୋଲିବକି ତାର ମୁଖା
ଆତ୍ମହତ୍ୟାକୁ ପାଥେୟ ନକରି
ଥରେ ଖୋଲିଦେ ସଭିଙ୍କ ମୁଖା ।
ଧର୍ମ ଯୁଦ୍ଧରେ
ଶ୍ରୀକୃଷ୍ଣ କହିଲେ ଉଠ ଅର୍ଜୁନ
ନିଜ ହକ୍ ପାଇଁ ବିଦ୍ରୋହ କର
ନିଜକୁ ସୁରକ୍ଷା ଦିଅ
ଯୁଦ୍ଧ କରି ତୁମେ ପାପୀକୁ ସଂହାର
ନିଜ ଅଧିକାର ଛଡାଇ ନିଅ ।
ନାରୀଟିଏ ତୁମେ
ତୁମେ ସର୍ବସଂହା ତୁମେ ପରା ନାରାୟଣୀ
ମହାମାୟା ତୁମେ ସ୍ନେହସ୍ୱରୂପିଣୀ
ତୁମେ ବି ସୃଷ୍ଟି କାରିଣୀ
ବିଦ୍ରୋହର ବହ୍ନି ହୃଦୟରେ ଜାଳି
ନିଅ ସଂହାରୀଣୀ ରୂପ ।
