ଆସ ସ୍ମୃତି

ସ୍ମୃତି ତୁମେ ଜୀବନର ଅନ୍ତରଙ୍ଗ ସାଥୀ

ତୁମ ବିନା ସବୁ ଶୂନ୍ୟ ଅର୍ବାଚୀନ

ବିସ୍ମୃତି ମୁଁ ମୁଠାଏ ତ ମାଟି ।

ତୁମେ ସ୍ମୃତି ସବୁଜ ସପନ

ବାସ ତୁମ ଅଗରୁ ଚନ୍ଦନ

ଖାସ ତୁମରି ଲାଗି ତ ପ୍ରିୟା

ଭସ୍ମ ମୋର ଏଇ ଦେହ

ଶୁଭ ଓ ମଙ୍ଗଳମୟ

ବାସେ ମହମହ ,

ପିଇଯାଏ ହିତ ଭାବି ଅହରହ

ଜଗତରୁ ବିଷ ହଳାହଳ

ସାର୍ଥକ ମୋ ନୀଳକଣ୍ଠ ନାମ

ମୁଁ ପୂର୍ଣ୍ଣକାମ ।

ଆସ ସ୍ମୃତି ସୁମଧୁର 

ଭାବନା କଳ୍ପନା,

ଉନ୍ମେଷିବା କିରଣରେ

ଜ୍ୟୋତିମୟ ରୂପ

ପ୍ରଜ୍ଜ୍ୱଳିବା ଜ୍ଞାନନେତ୍ର

ପ୍ରକଟିବା ସତ୍ୟର ସ୍ୱରୂପ

ନବନ୍ମେଷ ଭାବକଳ୍ପ

ସୁନ୍ଦର ଭବିଷ୍ୟ ।