ପ୍ରୀତିମଧୁ
ପ୍ରୀତିମଧୁ
କାହାକୁ କହିବି କିଏସେ ବୁଝିବ
ହୃଦୟ ତଳର ବ୍ୟଥା
ସ୍ମୃତି ପରଦାରେ ତୁମ ଛବି ଦେଖି
ଭିଜିଯାଏ ଆଖିପତା I
ମନ ଆକାଶରେ ତୁମପାଇଁ ସଖୀ
ଜୋଛନା ଢାଳୁଛି ରାତି
ସ୍ମୃତି ଆଇନାରେ ଢଳ ଢଳ ହୁଏ
ତୁମରି ଆଖିର ପ୍ରୀତି I
ଏବେ ବି କାନରେ ପ୍ରତିଧ୍ୱନି ତୋଳେ
ତୁମରି କଣ୍ଠର ଯାଦୁ
ଜୀବନ ଉଦ୍ୟାନେ ଯେତେ ଫୁଲ ଫୁଟେ
ତୁମେ ତାର ପ୍ରୀତିମଧୁ I
ଏବେ ବି ହୃଦୟ ତୁମ ପାଇଁ ସଖୀ
ବେସୁରା ରାଗିଣୀ ଗାଏ
ଏବେ ବି କାନରେ ପ୍ରତିଧ୍ୱନି ତୋଳେ
ଭଲପାଏ ଭଲପାଏ I