ପରିବର୍ତ୍ତନର ସ୍ଵର

ଏକ ଘଞ୍ଚ ମାଳ ଅଞ୍ଚଳ

ଖିଲାମୁଣ୍ଡା ମାଳାଞ୍ଚଳ ନାମରେ ବିଦିତ

ସୂର୍ଯ୍ୟ ଉଦୟ ହେବାକୁ

ଢେର ସମୟ ବାକି ଅଛି

କାଠ କଟାଳି ଟିଏ 

ବଡ ସନ୍ତର୍ପଣରେ ସେଇ ଜଙ୍ଗଲରେ

ବିଚରଣ କରି

ଏକ ସୁନ୍ଦର ମଜଭୁତ ପିଆଶାଳ ଗଛ ପାଖେ ବିଶ୍ରାମ ନେଲା

କିଛି କ୍ଷଣ ପରେ ପ୍ରଥମ କୁରାଢି

ଚୋଟର ପ୍ରହାରରେ

ଗଛଟିରୁ ରକ୍ତ ସ୍ରବି

ଲାଲ ରଙ୍ଗରେ ରୂପାନ୍ତରିତ ହେଲା

ଦ୍ଵିତୀୟ ଚୋଟ କୁରାଢିପ୍ରହାରରେ

ଉଦ୍ୟତ ହେବାରୁଆଉ ହାତ ଗଲା ନାହିଁ

ଦଣ୍ଡେ ସେଇ ଗଛ ମୂଳେ ସେ ଥକ୍କା ମାରି

ଉପବିଷ୍ଟ ହେଲା

ହଣା ଖାଇଥିବା ଗଛ ଟିକୁ ଟିକେ କାନ ପାତି ଦେଲା

କେହି ଜଣେ କଇଁ କଇଁ କାନ୍ଦୁ ଥିବାର

ତାହାର କର୍ଣ୍ଣ ଗୋଚର ହେଲା

ମଣିଷ ଶିଶୁଟି ପରି

ପିଆଶାଳ ଗଛ ବି କାନ୍ଦି ପାରେ

ଏକ ପରିବର୍ତ୍ତନର ସ୍ଵର

 ଗୁଞ୍ଜରିତ ହେଲା

ବିଚରା କାଠୁରିଆ ନିଜ ଗୃହ ମୁଖେ

ଫେରି ଆସି ମନକୁମନ 

କହୁଥିଲା

ଆଉ ଜୀବନରେ କେବେ

ଜୀବନ୍ତ ବୃକ୍ଷକୁ କୁଠାରରେ

ସ୍ପର୍ଶ ବି କରିବି ନାହିଁ ।