ପରିବାର
ପରିବାର
ସ୍ନେହ, ପ୍ରୀତି, ପ୍ରେମ ବିଶ୍ୱାସ ର ଝର
ଆମ ଘର ଆମ ପରିବାର,
ରହିଥାଏ ଭାବ କର୍ତ୍ତବ୍ୟ ଏଇଠି
ଲାଗେ ଏ ସରଗପୁର l
ସୁଖ ସୌହାର୍ଦ୍ଦ୍ୟ ରେ ଉଛୁଳୁ ଥାଏ ଟି
ଆମର ଏ ପରିବାର,
ସେବା ସମର୍ପଣେ ସ୍ନିଗ୍ଧ ଆତ୍ମୀୟତା
ଦେଖାଯାଏ ପରସ୍ପରେ l
ପରିବାର ଦିଏ ଦାୟିତ୍ୱ ଆମକୁ
କର୍ତ୍ତବ୍ୟ ଅନୁଶାସନ,
ଶ୍ରଦ୍ଧା ସୁମନ ର ଆଦେଶ ପାଳନ
ଗୁରୁଜନେ ସନମାନ l
ସନ୍ତାନ କର୍ତ୍ତବ୍ୟ ନିଷ୍ଠା ଶିଖଇ ଯେ
ପରିବାର ମଧ୍ୟେ ଥାଇ,
ନିଷ୍ଠା କାର୍ଯ୍ୟ ଲାଗି ହୁଏ ସେ ମହାନ
ଏଇ ପରିବାର ପାଇଁ l
ବାପା ମାଆ ଦାଦା ଭାଇ ଭଉଣୀଙ୍କୁ
ସଭିଙ୍କୁ କରି ନିଜର,
ଆଦାନ ପ୍ରଦାନ ଭାବର ତରଙ୍ଗେ
ଏକ ମନେ ପରିବାର l
ପରିବାରେ ଯଦି ସାତ୍ତ୍ଵିକ ଭୋଜନ
ଆସେ ସୁନାର ସଂସାର,
ସ୍ୱାଧ୍ୟାୟ ସତ୍ ସଙ୍ଗ ବେଦ ପଠନେ
ପୂର୍ଣ୍ଣାନନ୍ଦେ ନିରନ୍ତର l