ଧ୍ୱନି ପ୍ରତିଧ୍ୱନି
ଧ୍ୱନି ପ୍ରତିଧ୍ୱନି
ଏମିତି
ଝରଣା ହୋଇ ତୁ ଝରିଯା
ତୋ'ର ସେ
କୁଳୁକୁଳୁ ବାଜଣା
ଯେତେ ଦୂର ଶୁଭୁଥିବ
ସେ ଯାଏ ବିସ୍ତୃତ
ମୋ ଆଖିର ଅଗଣା ।
ଯେତେ ବାଙ୍କ
ସେତେ ଅଙ୍କ
ସବୁଠାରେ ମାୟା ଓ ଛାୟାର
ଭିନ୍ନ ଭିନ୍ନ ସୀମା ।
ହେ ସୌନ୍ଦର୍ଯ୍ୟମଣ୍ଡିନୀ
ଭୁଲିବୁନି
ରାତି ଏଠି ମାୟାବିନୀ
ସ୍ୱପ୍ନ ବିଦେଶିନୀ
ପ୍ରିତୀ ଏଠି ବିରହିଣୀ
ସ୍ମୃତି ସିମନ୍ତିନୀ ।
ବେଳେବେଳେ
ଭାବନାର ଅନ୍ତରାଳେ ସୃଷ୍ଟିହୁଏ
କେତେ ଧ୍ୱନି ପ୍ରତିଧ୍ୱନି ।
ତେଣୁ
ମୋ ଭିତରେ ତୋ ପ୍ରେମ
ଏକ ନିଆରା କଳ୍ପନା
ମୋତେ ଲାଗେ ଯେମିତି
ସ୍ୱର୍ଗକୁ ଦୁଇହାତ ଜମା ।
ସେଥିପାଇଁ ବୋଧେ
ଅନେକ ତାରାର ଆକାଶରେ
ହୋଇଛି ଜହ୍ନର ସର୍ଜନା ।