ପ୍ରେମରେ ପ୍ରେମରେ
ପ୍ରେମରେ ପ୍ରେମରେ
ପ୍ରେମରେ ପ୍ରେମରେ ଭାସି ଯାଇ ଆମେ
ମିଶି ଯିବା ସାଗରରେ
ଛାଡିବାନି ଆମେ ଆମ ହାତ ଦୁଇ
ଅନ୍ଧାର ହେଉ କି ଡରେ ।
ତୁମେ ପାଶେ ଥିବ ମଧୁ ଝରୁ ଥିବ
ଆସୁ ଯେତେ ବୀଚିମାଳା
ବେନି ପ୍ରାଣ ଆମ ପୂରବୀ ସଂଗୀତେ
ବାଟବଣାରେ ଯେ ଭେଳା ।
ଆମେ ଉଡୁ ଥିବା ଉଚ୍ଚ ଗଗନରେ
ଆଶା ଡେଣା ଝାଡି ଝାଡି
ଯେତେ ଦୁଃଖ କଷ୍ଟ ହୃଦୟ ଭିତରୁ
ଦୂରରେ ଆସିବା ଛାଡି ।
ତୁମେ ଦେଖୁ ଥିବ ମୋ ଆଖିରେ ମିଶି
ମିଳିବ ଅପୂର୍ବ ଖୁସି
ଆମେ ଯାଯାବର ନାହିଁ ଆମ ଘର
ହସ ନାହିଁ ଏଠି ବାସି ।
ଏଇ ସଂସାରରେ ସ୍ବପ୍ନ ପାରାବାରେ
ତୁମେ କଣ୍ଟା ମୁହିଁ ଫୁଲ
ନମାନି ରୁଧିର ଚାଲି ଆସୁ ଥିବ
ବୁଝି ମୋ ପ୍ରେମର ମୂଲ ।
କିଣି ନେବା ଚାନ୍ଦ ନରଖିବା ଛନ୍ଦ
ତହିଁରେ କରିବା ଘର
ତାରା ଫୁଟି ଥିବ ଜହ୍ନ ଦେଖୁ ଥିବ
ଭାସିବ ପ୍ରେମର ସ୍ବର ।
ମନ ପଞ୍ଜୁରିଟେ ଗଢି ଦେବା ଆମେ
ଶୁଆ ଶାରୀ ପରି ଥିବା
ପ୍ରେମରେ ପ୍ରେମରେ ନାଚି ଯିବା ଆମେ
ଦୁଃଖ ଶୋକ ଭୁଲି ଯିବା ।