ପ୍ରେମରେ କେବେ

ପ୍ରେମ ନୁହେଁ ଏକ ବଜାର ସଉଦା

କିଣି ପୁଣି ବିକି ଦେବ,

ପ୍ରେମ ଅଟେ ସେଜେ ଶାଶ୍ୱତ ପୁଣି

ହୃଦୟକୁ ଯୋଡି ଦେବ ।

ପ୍ରେମ କରି କେହି କେବେ

ହାରିଯାଏ ଜୀବନର ବାଜି,

ପ୍ରେମରେ ପ୍ରତାରଣା ଆସିଯାଏ ଯେବେ

ଧୋକା କରିବାକୁ ମନ ହୁଏ ରାଜି ।

ତୁମେ ଅଛ ଆଜି ନଥିବ କାଲିକୁ

ପ୍ରେମ ଅଛି ରହିଥିବ,

ଶାଶ୍ୱତ ପ୍ରେମରେ ଜୀଇଁଲେ ଜୀବନ

ସବୁଦିନ ତୁମେ ମନେ ଥିବ ।

ଧୂଆଁ ଧୂଆଁ ଲାଗେ ଜୀବନର ସଂଜ

ତୁମେ ଆସି ଗଲା ପରେ,

ତୁମରି ସ୍ମୃତିକୁ ବାହୁନି କାନ୍ଦଇ

ପ୍ରେମରେ ହାରିଗଲା ପରେ ।

କେତେଦୂର ତୁମେ ଅଛଗୋ ସାଥି

ଚାଲି ଆସ ଏବେ ପାଶେ,

ତୁମରି ବିହୁନେ ଅବୁଝା ଏ ମନ

ବିକଳ ହୁଏ ପ୍ରେମ ଶୋଷେ ।।