ପ୍ରେମର ସପ୍ତାହ

ଗୋଲାପକୁ ଦେଇ    ତୁମରି ହାତରେ 

     ପ୍ରେମ ନିବେଦନ କାଲି

ପ୍ରତିଜ୍ଞା ଦିବସେ    ପ୍ରତିଜ୍ଞା କରି ତୋ 

     ଚିରସାଥି ହୋଇଗଲି

ଚକୋଲେଟ ଟେଡି  ଆଲିଙ୍ଗନ ପରେ 

     ଚୁମ୍ବନ ଦିବସ ଗଲା

ପ୍ରେମ ସପ୍ତାହର     ଅନ୍ତିମ ଦିନଟି 

     ଆଜି ଉପସ୍ଥିତ ହେଲା

ପ୍ରେମର ଦିବସେ    ପ୍ରେମିକା ସାଥିରେ 

    ପ୍ରେମୀ ଯୁଗଳଟେ ହୋଇ

ଆନନ୍ଦ ମନରେ    ବୁଲୁଥିଲୁ ଆମେ 

     ବଜାର ଓ ପାର୍କ ଯାଇ

କେଉଁଠି ଥିଲେ ଏ  ଗେରୁଆ ବସ୍ତ୍ରରେ 

    ବଜରଙ୍ଗୀ ଦଳ ଵାଲା

ହରିନେଲେ ସବୁ   ଆନନ୍ଦ ଉଲ୍ଲାସ 

   ମନେ ମୋର ଯାହା ଥିଲା