ପ୍ରେମର ପରିଭାଷା
ପ୍ରେମର ପରିଭାଷା
ପ୍ରେମ ପରିଭାଷା ବିଶ୍ଵାସର ବସା
ପବିତ୍ରତା ଅନୁସଙ୍ଗି ,
ପ୍ରେମ ଚିରନ୍ତନ ପ୍ରେମହିଁ ଶାସ୍ବତ
ଦୁଃଖେ ସୁଖେ ସହଭାଗି ॥
ପ୍ରେମର ସ୍ୱରୂପ ସତ୍ୟ ଆଧାରିତ
ସମ୍ପର୍କର ଚିରଛବି ,
ଅସରନ୍ତି ସ୍ନେହା ପ୍ରେମ ନିରାଧାର
ପ୍ରେମ ପ୍ରେମୀ ଅନୁଭବି ॥
ଭାବନାର ଦ୍ଵାରେ ପ୍ରକଟିତ ହୁଏ
ନିଚ୍ଛକ ପ୍ରେମ କାହାଣୀ ,
ପାରୋ ଦେବଦାସ କେଦାର ଗୌରୀ
ଜ୍ଜ୍ଵଳନ୍ତ ପ୍ରମାଣ ଜାଣି ॥
ପିତୃମାତୃ ସ୍ନେହଁ ପ୍ରେମ ଆଧାରିତ
ହେଜ ହେ' ସନ୍ତାନଗଣ ,
ବିନା ସ୍ଵାର୍ଥେ ସେ'ଯେ ସମର୍ପନ୍ତି ସତେ
ଅମୃତ ବାରିଧି ଜାଣ ॥
ଭଗ୍ନୀରାଣୀ ସ୍ନେହଁ ପ୍ରେମ ଜାଗରଣ
ଅତୁଟ ସମ୍ପର୍କ ଜ୍ୟୋତି ,
ବାଲି ଖେଳ ସାଥୀ ସାଜେ ସରାଗିନୀ
ସୀମାହୀନ ତା'ର ପ୍ରୀତି ॥
ପ୍ରେମେ ମନମାନି ଦୃଶ୍ୟମାନ ଛବି
ପ୍ରେମିକା ସୁନ୍ଦରୀ ମଣି ,
ଅବିଶ୍ଵାସ କରେ ବିଶ୍ଵାସର ଘରେ
ଅଭିମାନ କରେ ଜାଣି ॥
ସ୍ଵର୍ଗୀୟ ପ୍ରେମର ଅତୁଟ ବନ୍ଧନ
ଅର୍ଦ୍ଧାଙ୍ଗିନୀ ସଦା ଭାଳେ ,
ସ୍ମୃତିକୁ ସାଉଁଟେ ଦିବା ନିଶୀ ସତେ
ଇହକାଳେ ପରକାଳେ ॥
ପ୍ରେମ ପରିଭାଷା ପରିବ୍ୟାପ୍ତ ସଦା
ବର୍ଣ୍ଣନା ସାପେକ୍ଷ ବନ୍ଧୁ ,
କବି ଲେଖନୀରେ ଅସଂପୂର୍ଣ୍ଣ ରହେ
ପ୍ରେମ ପରା ମହାସିନ୍ଧୁ ॥