ପ୍ରେମର ପରିଭାଷା

ପ୍ରେମ ଯେଉଁଠାରେ ବିଚ୍ଛେଦ ବି ସେହିଠାରେ ‐‐‐‐

କେବେ ଏପାଖ କେବେ ସେ ପାଖ 

କେବେ ଅମୃତର ସୁଧାଝର କେବେ ମରୁବାଲି ମରିଚିକା ଦୂର ଦିଗନ୍ତରେ |୧|

ଆଶା ଅସୁମାରୀ ପ୍ରେମ ପଡ଼େ ଭାରି 

ଚୁନା ଚୁନା ଫୁଲ ଫଗୁଣରେ,

ଫୁଲଠୁଁ କୋମଳ , ପଥରଠୁଁ ଟାଣ 

ପ୍ରେମ ଆକାଶର ନୂଆ ତାରାଟିଏ ତୋଫା ଜୋଛନାରେ |୨|

ପ୍ରେମ ଅନ୍ଧାରରେ ଲଉଡ଼ି ସଜାଏ

ଜୀବନର ପରିଭାଷାଟିଏ,

ଆକର୍ଷଣ ମହକରେ ଜୀବନକୁ ଭରିଦିଏ,

ପ୍ରେମ ପରିଭାଷା ବୁଝୁ ବୁଝୁ ଦିନ ସରିଯାଏ ପାହାନ୍ତିଆ ଫୁକିଆରେ |୩|

ପ୍ରେମ ଆଖି ଲୁହଧାର ଚିବୁକକୁ ଧୋଇଦିଏ,

ଯେତେ କାଳି ଅଳନ୍ଧୁକୁ ଧୀରେ ଧୀରେ ଧୋଇଦିଏ,

ପ୍ରେମ ଜୀବନ ଯନ୍ତ୍ରଣାର ନୂଆ ପଥଟିଏ 

ହଜିଯାଏ ଆକାଶର ନୀଳିମାରେ |୪|

ପ୍ରେମ ରୂପ ବଦଳି ଯାଏ ଭକ୍ତି ଭାବଧାରେ,

ଅସମ୍ଭବ ସମ୍ଭବକୁ ପୁଣି ତୋଳିଧରେ,

ଏଇତ ଜୀବନ ସଂଗ୍ରାମ ସପନ ପ୍ରେମ ନଈଧାରେ ,

ପ୍ରେମ ପରିଭାଷା ସୁଖ ନୀରେ 

ପ୍ରେମ ପରିଭାଷା ଭକତିରେ |୫|