ପ୍ରେମୋଦୟ ଚମ୍ପୂ (ଲ)

ପ୍ରେମୋଦୟ ଚମ୍ପୂ

କବି ସୂର୍ଯ୍ୟ ବଳଦେବ ରଥ

(ଚୌପଦୀ ପ୍ରେମୋଦୟ )

(28)

ରାଧାଙ୍କପ୍ରତି ଶ୍ରୀକୃଷ୍ଣ

ରାଗ - ବିହାଗ - ଝୁଲା୍

ଲାବଣ୍ୟବତୀ ଲାଜ ଧରୁ ଆଜ ମତିରେ (ଘୋଷା)

ଲଳିତ – ଅଧରା ଲେଖୁ ନଖେ ଧରା

ଶରଦ ଚନ୍ଦ୍ରମା ମୁଖ ପୋତି ରେ (1)

ଲେଖିବା ବିନୟ କଲୁକି ହୃଦୟ

ନବୀନା ତୋ ବିନା କେ ଗତିରେ (2)

ଲାଖ କରି ମାର ହୃଦୟକୁ ଶର

ବିନ୍ଧେ ଅତି କୋପେ ରତି ପତି ରେ (3)

ଲତା ରମ୍ୟକୁଞ୍ଜ ମଣ୍ଡ ପଦ ଭଞ୍ଜ

ଖଞ୍ଜନାକ୍ଷୀ ଘେନ ମୋ ବିନତିରେ (4)

ଲିଭାଅ ବିରହ ଜାତ ହୁତବହ

ଜଗଦ୍ଦେବ କହେ ଭାରତୀ ରେ (5)