ପ୍ରେମିକା

କନକ ଗୋରୀ ଭାରି ସୁନ୍ଦରୀ

ପ୍ରେମିକା ସିଏ ମୋର

ଅଭିମାନିନୀ ମନ ମାନିନୀ

ସରଳ ହୃଦ ତା'ର ।

ମୃଦୁ ଭାଷିନୀ ରାଜନନ୍ଦିନୀ

ରୂପରେ ଅନୁପମା

ଭାରି ଗେହ୍ଲେଇ ଟିକେ ଫୁଲେଇ

ନାଆଁଟି ତା'ର ସୀମା ।

ନୀଳନୟନା ଚଞ୍ଚଳମନା

କୋକିଳକଣ୍ଠୀ ପ୍ରିୟା

ସେ ଘନକେଶୀ ଯୁବାବୟସୀ

ଅତୀବ ସୌମ୍ୟ କାୟା ।

ଗଜଗାମିନୀ ମନମୋହିନୀ

ସୁଶୀଳା ଚନ୍ଦ୍ରମୁଖୀ

ଶାନ୍ତ ସରଳ ହୃଦ କୋମଳ

ଲାଜେଇ ମୋର ସଖୀ ।

ଗଭା ଗଜରା ଫୁଲରେ ଭରା

ହସରୁ ଝରେ ମୋତି

ଚାଲି ହଂସିନୀ କାନ୍ତା କାମିନୀ

ଗାଏ ସେ ପ୍ରେମ ଗୀତି ।