ପ୍ରେମିକା ସହିତ ପ୍ରଥମ ଦେଖା

ହାତରେ ଗୋଲାପ ମୁଖେ ସ୍ମିତ ହାସ୍ୟ 

ଚାଲୁଥିଲି ଥିରି ଥିରି 

ପ୍ରେମିକା ଗଳିରେ ସକାଳ କୁହୁଡି 

ପଡୁଥିଲା ଅଳ୍ପ ଝରି । 

କୁକ୍କୁଟର ରାବ କୋଇଲିର ସୁର 

ମତୁଆଲା କରୁଥିଲା 

ଗଙ୍ଗପୁଷ୍ପ ବାସେ ଦେହେ ଶିହରଣ 

ଅଜାଣତେ ଖେଳି ଗଲା ।

ବଉଳର ବାସ୍ନା ମନେ ନେଇ ତୃଷ୍ଣା 

ପୀରତି କାତର ହୋଇ 

ବଢ଼ି ଚାଲିଥିଲା ହୃଦୟ ସ୍ପନ୍ଦନ 

ପ୍ରେୟସୀ ଦର୍ଶନ ପାଇଁ । 

ହେଲା ସନ୍ନିକଟ ମୋ ମନ ଉଚ୍ଚାଟ 

ଶୁଣି କା ନୂପୁର ଶବ୍ଦ 

ଭାବିଲି ପ୍ରେୟସୀ ପାଶେ ଆସୁଛନ୍ତି 

ଦେଖି ହୋଇଗଲି ସ୍ତବ୍ଧ । 

ଗୋଟିଏ ଚାଉଳେ ଗଢା ତାର ଦେହ 

ରୂପ ଲାବଣ୍ୟ ଅପୂର୍ବ 

ଶୀତଳ ପବନ ଦଲକାଏ ଆସି 

ଭାଙ୍ଗି ଦେଲା ମୋର ଗର୍ବେ ।