ପ୍ରେମିକ ହେବା ସହଜ ନୁହେଁ
ପ୍ରେମିକ ହେବା ସହଜ ନୁହେଁ
ଦିନ ଛୋଟ ହୋଇଯାଏ
ରାତି କଷ୍ଟ ଦିଏ
ଅନ୍ଧାର ଚୁପି କିଛି କୁହେ
ଉଦାସ ଭାଵ ଜଗଡି ଧରେ
ପାର୍କ ଗଛ ଗଣ୍ଡିକୁ ଆଉଜି
ତାକୁ ପାଇବାକୁ
ମନ ବ୍ୟାକୁଳ ହୁଏ
ଅନ୍ତତଃ ଦିନରେ
ତା ସହ ଥରେ ଦେଖା ନହେଲେ
କେଉଁଥିରେ ମନ ଲାଗେନା
ଗେହ୍ଲା ପୁଅ
ମାଆକୁ ମିଛ କୁହେ।
ତାକୁ ନୂଆ ନୂଆ ଗିଫଟ୍ ଦେବାକୁ
ବାବାଙ୍କ ପକେଟରେ
କଳା କନା ବୁଲେଇବାକୁ ପଡେ
ବେସରମ ହୋଇ
ମନ କଥା ସାଙ୍ଗ କି ଭାଉଜଙ୍କୁ
ଲାଞ୍ଚ ଦେଇ ଫୁସୁଲାଇବାକୁ ହୁଏ
ସତରେ ଜଣେ ପ୍ରେମିକ ହେବା
କି କଷ୍ଟ
କେବଳ ଜଣେ ପ୍ରେମିକ ହିଁ କହିପାରେ
ଚୋର
ମିଛୁଆ
ନିର୍ଲ୍ଲଜ
ପାଗଳ ହେବାକୁ ହୁଏ
"ଓଃ !ପ୍ରେମିକ ପଣ"
ବେଜାଏ ଦୁଃଖ ଦିଏ।
ପ୍ରେମ ମିଳିଲେ ଭଲ
ନଚେତ୍
ବିଚରା ଭାବୁକ ହୋଇ
ଦି ପାଞ୍ଜିରୁ ଯାଏ
ପ୍ରେମିକ
ଆଗ୍ନେୟଗିରିର ଲାଭାରେ
ନିଇତି
ନିଜ ଆଶା ଭବିଷ୍ୟ ବିଶ୍ୱାସ
ଦେହ ମନକୁ ସେକୁଥାଏ
ହୃଦୟକୁ ଜାଳି
ପ୍ରେମ ଜ୍ଜ୍ୱଳନର ପୀଡା ସହୁଥାଏ
"ପ୍ରେମିକ ହେବା ଏତେ
ସହଜ ନୁହେଁ।"