ଲାଇବ୍ରେରୀ
ପ୍ରୋଫାଇଲ୍
ପ୍ରେମ...
ପ୍ରେମ...
1 min
89
ପ୍ରେମ ଅଟେ ଏକ ଏମିତିକା ଶବ୍ଦ
ମନେ ଆଣେ ଅନେକ ପ୍ରଶ୍ନ
କହିବା ଶୁଣିବା ସବୁଠୁ ମଧୁର
ଅବୁଝାକୁ ବିଷ ସମାନ
ପିତାମାତାଙ୍କର ମିଳନରୁ ପ୍ରେମ
ମାତୃଗର୍ଭେ ହୁଏ ପ୍ରସାର
ଯହିଁ ସୃଷ୍ଟିକର୍ତ୍ତା ନିଜେ କାରିଗର
ସଂସାର କରନ୍ତି ବିସ୍ତାର
କୁଆଁରାବ ଦେଇ ଭୂମିଷ୍ଠ ହୋଇଲେ
ପ୍ରେମରେ ସେବେଠୁ ବାନ୍ଧନ୍ତି
ପିତାମାତା ସହ ଆତ୍ମୀୟ ସଦ୍ଜନ
ସଭିଏଁ ମାୟାରେ ଛନ୍ଦନ୍ତି
ମାତୃ ପ୍ରେମ ଅଟେ ପ୍ରଥମ ଏପ୍ରେମ
ଦ୍ବିତୀୟେ ପିତାଙ୍କ ସିଦ୍ଧାନ୍ତ
ତୃତୀୟେ ଆତ୍ମୀୟ ସଦ୍ଜନ ରହନ୍ତି
ଚତୁର୍ଥେ ଏ ଜୀବ ଜଗତ
ପଞ୍ଚମରେ ଯାଇ ପ୍ରେମିକାର ମନ
ଯୌବନକୁ ଯେ ଦହଲାଏ
ଷଷ୍ଠରେ ରହଇ ଧର୍ମ ପତ୍ନି ପ୍ରେମ
ପ୍ରିତି ରସରେ ଯେ ଭିଜାଏ
ସପ୍ତମ ପ୍ରେମଟି ତହିଁ ଜାତ ହୋଇ
ସନ୍ତାନ ରୂପରେ ବୋଲାଏ
ସର୍ବଶ୍ରେଷ୍ଠ ପ୍ରେମ ସ୍ବୟଂ ପରମାତ୍ମା
ଆତ୍ମା ଭାବରେ ସଦାଥାଏ
