#ପ୍ରେମ#

ପ୍ରେମକୁ କିଏ' ସେ ଦେଖିଛ କି' ବନ୍ଧୁ

 ପ୍ରେମତ ହେଉଛି ଏମିତି ଚିଜ

ମନରେ ଆଣେ ସେ ନବ ଶିହଳଣ

ଓଠୁ ଝରୁଥାଏ ହସର ଲାଜ।

ତ୍ଯାଗରେ ତ ପ୍ରେମ ହୁଏ ମହନୀୟ 

ଶାଶ୍ବତ, ସ୍ବର୍ଗୀୟ, ସଦା ସୁନ୍ଦର 

ପ୍ରେମରେ ନଥାଏ କାମନା ବାସନା

ପୂର୍ଣ୍ଣ ସମର୍ପିତ ମନ ହୃଦୟ ।

ନିର୍ମଳ ହୃଦୟେ ପବିତ୍ର ପ୍ରେମସେ

ଚିରନ୍ତନ ନିରଳସ ଜୀବନ

ଚିରସ୍ଥାୟୀ ପ୍ରେମ ଦିବ୍ୟ ଚେତନାରେ

ସ୍ବର୍ଣ୍ଣାକ୍ଷରେ ସେହୁ ହୁଏ ଲିଖନ।

ପ୍ରେମ ଯଦି ହୁଏ ଶରୀର ର କ୍ଷୁଧା 

ବିରାଜଇ ତହିଁ ସ୍ବାର୍ଥ ରାକ୍ଷସ

ସନ୍ଦେହ ଧୂଆଁରେ ଅବିଶ୍ଵାସୀ ନିଆଁ 

ଜାଳିପୋଡିକରେ ସେ ସର୍ବନାଶ।

ସମୟ ସାଥୀରେ ତୁଟିଯାଏ ମୋହ

ସବୁ ଚିହ୍ନାମୁହଁ ହୁଏ ଅଚିହ୍ନା

ସ୍ବପ୍ନ ସୌଦାଗର ସଇତାନ ସାଜେ

ଛଳନାରେ କରେ କେତେ ଯୋଜନା ।

ପାଇବାର ମୋହ ହୃଦୟେ ରହିଲେ

ପ୍ରେମ ପାଏନାହିଁ ପରିପୂର୍ଣ୍ଣତା 

ଅଧାରେ ଅଧୁରା ସେ ପ୍ରେମ କାହାଣୀ 

ଜୀବନରେ ଭରେ ଖାଲି ଶୂନ୍ଯତା ।