ପ୍ରେମ

ପ୍ରେମ କଳାକୃଷ୍ଣ ସମ

ପ୍ରେମ ବଂଶୀ ସ୍ୱନ

ଅଢେ଼ଇ ଅକ୍ଷର ପ୍ରେମ

ଗହନ ସାଧନ ।

ପ୍ରେମ ପୁଣି ତୋଫା ଗୋରୀ

ରାଧିକା ସମାନ

ଅନୁସାର ଚନ୍ଦ୍ର ବିନ୍ଦୁ

ବିସର୍ଗ ହିଁ ପ୍ରେମ ।

ଅନାଦି ଅନନ୍ତ ପ୍ରେମ

ପ୍ରେମ ସୁଧା ନୀର

ପ୍ରେମ ମଧୁ ପ୍ରାପ୍ତି ଲାଗି

ପାଗଳ ଭ୍ରମର ।

ସଚ୍ଚିଦାନନ୍ଦ ଜୀବନ

ପ୍ରେମ ଚିରନ୍ତନ

ପ୍ରେମ ଭକ୍ତି ସମର୍ପଣେ

ଜାଗେ ଜଡ଼ ପ୍ରାଣ ।

ସଦାଶିବ ନୀଳକଣ୍ଠ

ବିଷୟ ଗରଳ

ଜାଗତିକ ଏ ପୃଥିବୀ

ପ୍ରେମର ଅନଳ ।

ସପ୍ତରଙ୍ଗ ସମାହାର,

ପ୍ରେମ ଚିର ସବୁଜିମା ସତ୍ୟ ଶିବ

ପ୍ରେମ ହିଁ ସୁନ୍ଦର ।