ପ୍ରେମ ପରିଭାଷା
ପ୍ରେମ ପରିଭାଷା
1 min
217
ପ୍ରେମ ପରିଭାଷା ବୁଝେ ନୀଳ କଇଁ
ସରସୀ ଜଳରେ କରେ ପ୍ରତୀକ୍ଷା
ଦିନ ସାରା ଜଳି ହୁଏ ଅର୍ଦ୍ଧ ଦଗ୍ଧ
ଚାନ୍ଦ ପ୍ରେମରେ ସେ ହୁଅଇ ବନ୍ଧା ।
ପଙ୍କିଳ ଅଗଣା ମଧ୍ୟରେ ପଙ୍କଜ
ଚାହୁଁଥାଏ ସବିତାକୁ ପ୍ରେମରେ
ବାଦଲ ସନ୍ଧିରୁ ଆସନ୍ତି ଆଦିତ୍ୟ
ପ୍ରେମସୁଧା ଢାଳନ୍ତି ତା ଉପରେ ।
ପ୍ରେମର ମନ୍ଦିରେ ଦୁଇଟି ପୂଜାରୀ
ନିବିଡ଼ ଡୋରିରେ ଥାଆନ୍ତି ବନ୍ଧା
ଜଣେ ଜାଳେ ଦୀପ ତା ପୀରତି ପାଇଁ
ପ୍ରେମ ଶିଖା ସଦା ରହେ ଅଲିଭା ।
ହୃଦୟର ଭାଷା ଆନ ଜଣେ ବୁଝେ
ପ୍ରେମ ପରିଭାଷା ତାହାରି ନାମ
ତ୍ୟାଗ ବଳିଦାନ ଥାଏ ସମର୍ପଣ
ଶାଶ୍ଵତ ଅଟଇ ଅମ୍ଳାନ ପ୍ରେମ ।।