ପ୍ରେମ ପ୍ରବୋଧିତ

ବୁଝି ଗୋ ବୁଝି ଗୋ ଅନ୍ତର ବ୍ୟଥାକୁ

ନକହିଲେ ବି ମୁଁ ଜାଣେ

ଝୁରେ ତୁମ ପ୍ରାଣ ମୋର ଲାଗି ପ୍ରିୟ

କୁହ କି ନକୁହ କାନେ ।

ଅନ୍ତର ଭିତରେ ଝୁୁୁରେ ଅବିରାମ

ମୋର ପାଇଁ ସ୍ନେହ ଭାବ

ପ୍ରତିଟି ମୁହୂର୍ତ୍ତ ହୃଦୟେ ସ୍ପନ୍ଦନ

କରାଉଛି ଅନୁୁଭବ

ସେଥିପାଇଁ ତୁୁମ ନିରବତା ଆଜି

ହୃଦୟକୁ ମୋର ହାଣେ ।

ବୁଝି ଗୋ ବୁଝି ଗୋ ........

ମୋର ପ୍ରତିିିଛବିି ତୁୁମ ନୟନରେ

ଢେଉ ଖେଳେ ଅହର୍ନିଶିି 

ଅଧର୍ଯ୍ୟ ମନରେ ଭାରାକ୍ରାନ୍ତ ମନ

ଲାଗେ ଯେହ୍ନେ ଅମା ନିିିଶି 

ସେ ନିଶିରେ ତୁମେ ଜୋଛନା କିରଣ 

ଦେଖେ ମନ ଦରପଣେ ।

ବୁଝି ଗୋ ବୁଝି ଗୋ .......

ତୁମ ମନାକାଶେ ନୀଳ ମେଘ ମସେ

ମୋତେ କଲ ବର୍ଷାରାଣୀ

ବିନା ଶ୍ରାବଣରେ ଝରାଉଛ ମୋତେ

ନିତି ଭିଜେ ନେତ୍ର ମଣି

ହୀରା ମୁକ୍ତା ପରି ମୋର ବେନି ନେତ୍ର

ଭାସୁ ଥାଏ ତୁୁମ ପ୍ରେମେ

ବୁଝି ଗୋ ବୁଝି ଗୋ .......।