ପଶୁ ବାହାଘର

ବାହାଘର ଜାତ ବନେ ଅନୁଷ୍ଠିତ

 ହେଉଛି ଆଜି ସନ୍ଧ୍ୟା ରେ

ନାନ ପଶୁ ପକ୍ଷୀ ଆନନ୍ଦ ରେ ମାତି

ରୁଣ୍ଡ ସର୍ବେ ଏକ ଠାବରେ ।

ପଶୁ ଙ୍କ ହେଣ୍ଟାଳ ସୃଜେ କୋଳାହଳ

ବାଜଇ ନାନା ବାଇଦ

ବିବାହ ଉତ୍ସବ ହେବ ଅନୁଷ୍ଠିତ

ସର୍ବେ ଅପାର ଆନନ୍ଦ ।

ନାଚି ଧେଇ ଧେଇ ତାଥେଇ ତା ଥେଇ

ଗାଆନ୍ତି ମଧୁର ଗୀତ

ତୂରୀ ଭେରୀ , ଶଙ୍ଖ ଜନ୍ମାଏ ଆତଙ୍କ

ଦେଖି ଲାଗେ ଆଚମ୍ବିତ ।

ନାନା ଭୋଜି ଭାତ ହୁଏ ଆୟୋଜିତ

ଉତ୍ସବେ ସଭିଏଁ ମତ୍ତ

ବର କନ୍ୟା ସଜ କରନ୍ତି ପଶୁ ଏ

ପକ୍ଷୀ ଏ କୁଜନେ ରତ ।

ଭାଲୁ ନନା ସାଥେ ଭାଲୁଣି ନାନୀ ର 

ବିବାହ କରିବା ପାଇଁ

ଆନନ୍ଦ ମନ ରେ ପଶୁ ପକ୍ଷୀ ମାନେ

ଦିନ ସାରା ଛନ୍ତି ଚାହିଁ ।