ପ୍ରେମିକା ମୋ ସର୍ବଗିଳା
ପ୍ରେମିକା ମୋ ସର୍ବଗିଳା
ହାଏରେ ବିଧାତା ଏକି କଲ
କାହିଁକି ପ୍ରେମରେ ଫସାଇଲ
ପାଖରେ ମୋହର ଟଙ୍କାଏ ନାହିଁ
ପ୍ରିୟା ମୋ କହିଛି ରୋଜ୍ ପାଇଁ ॥
ବାପାଙ୍କ ପକେଟୁ ଚୋରି କରି ମୁହିଁ
ପ୍ରିୟା ପାଇଁ ରୋଜ୍ ନେଲି
ସେଥିରେ ତା'ର ମନ ନବୁଝଇ
ଦରକାର ତା'ର ହିଲ୍ ॥
ଟେଡି ଡେ ପାଇଁ ଡିମାଣ୍ଡ୍ ଜୋର
ତା' ସହ ନୂଆ ଡ୍ରେସ୍
ଗିଫ୍ଟ୍ ଜଦି ନ ଆଣିକି ଦବ କହୁଛି
କରିଦବ ପରା କେସ୍ ॥
ଏଇଟା ଆଣିବ ସେଇଟା ଆଣିବ
ସବୁବେଳେ ରାଉ ରାଉ
ସେଥିରୁ ଗୋଟିଏ ପୂରଣ ନ ହେଲେ
ଦେଖାଏ କେତେ ସେ ଭାଉ ॥
ଚେହେରା ସିନା ତା' କୋଇଲି ପରି
କଣ୍ଠ ପୁରା ସତେ କାଉ
କିଲେ ପାଉଡର ନିତି ଲଗାଇ
ଜଳୁଥାଏ ଦାଉ ଦାଉ ॥
କ'ଣ କରିବି ଭାଇ ପ୍ରେମ କରି ଆଜି
ନେଲି ପରା ବ୍ରହ୍ମକିଳା
ଜାଣି ମୁଁ ନଥିଲି ପ୍ରେମିକାଟା ମୋର
ଏତେ ବଡ ସର୍ବଗିଳା ॥