ବାଃ ବାଃ ରେ ପୁଅ

ପୁଅ ଏବେ ଚାକିରି କରିଛି 

ଗାଁ ଠୁ ବହୁତ ଦୂରରେ 

ବାପା ବୋଉ ଡାକ ଭୁଲିତ ଗଲାଣି 

ମମି ଆଉ ଡାଡି ଡାକେରେ ।।

ପାଦ ଧୂଳି ଆଉ ମୁଣ୍ଡରେ ମାରେନି 

ପ୍ରଣାମ ସେ ଭୁଲି ଗଲାରେ 

ହେଲୋ ହାଏ କହି ଅତର ଲଗାଇ 

ଅଫିସ ଯାଉଛି ଏବେରେ ।।

ପଖାଳ କଂସା ରେ ମନ ଲାଗୁନାହି

ଫାଷ୍ଟ ଫୁଡ ନିତି ଖାଏରେ 

ପୁଅ ଏବେ ଚାକିରି କରିଛି 

ଗାଁ ଠୁ ବହୁତ ଦୂରରେ ।।

ସହରି ସହରି ବାସନା ଛାଡୁଛି 

ଚାଲିଯାଏ ଯେଉ ବାଟରେ 

ବିନା ପଙ୍ଖା ତଳେ ରାତି କଟୁଥିଲା 

ନିଦ ଲାଗୁନାହି ଏସିରେ ।।

ବାପା ବୋଉ ଭୁଲି ଦିନ କାଟୁଅଛି 

ଘରଣୀ କୁ ଧରି ବାହାରେ 

 ପୁଅ କାଳେ ଜମା ପାଠ ପଢୁନାହି 

ରହିଲେ ଏଇ ଗାଆରେ ।।

ଯେଉ ମା ମାଟି ଗଢିତୋଳି ଥିଲା 

କ୍ଷଣିକରେ ଭୁଲି ଗଲୁରେ

ପୁଅ ଏବେ ଚାକିରି କରିଛି 

ଗାଁ ଠୁ ବହୁତ ଦୂରରେ ।।