ମୋବାଇଲି ବନ୍ଦନା

ପ୍ରଭାତୁ ସେଜ ତ୍ୟାଗକର

ସବ୍ରାଗେ ମୋବାଇଲି ଧର ॥

ପହୁଡ ଫିଟା ମନ୍ତ୍ର ଜପି

ଲକ ବଟନ ଧର ଚାପି ॥

ଯେବେ ମୋବାଇଲି ଖୋଲିଲା

ହ୍ୱାଟସପେ ପହଂଚ ଭଲା ॥

ବିଭିନ୍ନ ମେସଜ କୁ ଦେଖି

ଉତ୍ତର ଦେବୁ ମନ ଲାଖି ॥

ସକାଳ ଭୋଗର ପରାଏ 

ମେସେଜ ଭେଜିବୁ ଗୁରାଏ ॥

ଦେବାଦେବୀ ଙ୍କ ମନ୍ତ୍ର ଦେଖି

ପବିତ୍ର କରିବୁ ତୋ ଆଖି ॥

ତାପରେ ପ୍ରଥମ କଅଲ 

ପ୍ରେମିକା ପାଖେ ଥିଲେ ଭଲ ॥

ତାପରେ ସେଲଫି ତୁ ନେବୁ

ସ୍ଟାଟସ୍ ଖୁନ୍ଦିକରି ଦେବୁ ॥

ପ୍ରଥମ ଘଡିକର କଥା

ଭଜନ ନଦେବୁ ଅନ୍ୟଥା ॥

ଦ୍ୱିତୀୟ ଘଡିର ବେଳକୁ 

ପ୍ରାଧାନ୍ୟ ଦେବୁ ତୁ ଧୋକାକୁ ॥

ରାତ୍ରିରେ ଶୋଇଲା ବେଳକୁ

ରଖିବୁ ଦିନର କର୍ମକୁ ॥

ତାପରେ ଶୋଇବୁ ଆନନ୍ଦେ

ମୋବାଇଲି ରଖି ତୋ କାନ୍ଧେ ॥