ମଦ ପ୍ୟାକର ମହତ୍ତ୍ୱ

ଶୁଣ ଆହେ ସାଧୁଜନ ଦେଇ ମନ କର୍ଣ୍ଣ

ମଦ ପ୍ୟାକ୍ କଥା ଆଜ କରିବି ବଖାଣ ।

କେଉଁ କେଉଁ ପ୍ୟାକ୍ ନେଲେ କଅଣ ହୁଅଇ

ଲାଭ ସବୁ ଯାହା ଅଛି ଦେବି ମୁଁ ବୁଝାଇ ।

ଅତି ହିତକର ବାଣୀ ମନ ଦେଇ ଶୁଣ

ଆମୁଳ ଚୁଳ ଆଜ ମୁଁ କରିବି ବଖାଣ ।

ପ୍ରଥମ ପ୍ୟାକ୍ ଯେବେ ନେବୁ ତୁ ତୁଣ୍ଡରେ

ଦୁନିଆଟା ମୋହ ମାୟା ଲାଗଇ ସତରେ ।

ସବୁ ଅଟେ ମିଛ ମୋହ ମାୟାର ସଂସାର 

କେବଳ ମଦଟି ଭାଇ ଲାଗଇ ସାର ।

ବନ୍ଧୁ ପରିଜନ ଯେତେ ସବୁ ଥାଆନ୍ତି

ସେସବୁ ତୁଛା ପରି ଯେ ମନେହୋନ୍ତି ।

ଦ୍ୱିତୀୟ ପ୍ୟାକ୍ ଯେବେ ନେବୁ ତୁ ଭାଇରେ 

ରାଜା ପରି ଭାବନା ଆସିବ ମନରେ ।

ଅନ୍ୟ ମାନଙ୍କୁ ପ୍ରଜା ସମ ହୃଦୟେ ମଣି  

ବଢାଇ ଦିଅ ଯେ ତୁମେ ଆଦେଶ ର ମୁଣି ।

ମନ୍ତ୍ରୀ ମାନେ ଅଟନ୍ତି ଯେ ତୁମ ପାଖ ଲୋକ

ଗିଲାସ ବଢାଇ ସିଏ ମାରିଥାନ୍ତି ଭୋକ ।

ତୃତୀୟ ପ୍ୟାକ୍ ଟି ନେଲା ପରେ ଭାଇ

ମନତ ତାଙ୍କର ସତେ ଆକାଶେ ଉଡଇ ।

ନର୍ଦ୍ଦମା ଲାଗଇ ଭାଇ ସତେ ସ୍ୱର୍ଗ ପରି

ହସଟା ପରା ଲାଗଇ ରଜା ପରି ।

ଯେବେ ତୁ ନେବୁରେ ଭାଇ ମୋର ଶେଷ ପ୍ୟାକ୍

ଶ୍ୱାନ ଯେସନେ ଲୋଟିବୁରେ ତୁ ରାସ୍ତା ଯାକ ।

ପଶୁ ସମାନ ତୋହର ଆଚରଣ ହେବ

ମୁଣ୍ଡରୁ ଜ୍ଞାନ ତୋହର ଦୁର ଯେ ହୋଇବ ।