ମାସ ଶେଷ ଖୋଲା
ମାସ ଶେଷ ଖୋଲା
ପରିବା ଗ୍ରସରି ଡାଲି ଯେ ମସୁରି
ପାଉଡର ନାହିଁ ଭଲା ।
ମାସ ଶେଷ ଦେଖ ସବୁଠି ତ ବନ୍ଦ
କାଉଣ୍ଟର କିନ୍ତୁ ଖୋଲା ।।
କୁନି ଝିଅ ମୋର ମାଗୁଛି ଯେ ଚଚ
ଦୋକାନ ହୋଇନି ମେଲା ।
ବିଦେଶୀ ଦୋକାନ ସହର ରେ ମଦ
କାଉଣ୍ଟର କିନ୍ତୁ ଖୋଲା ।।
ବୁଢ଼ୀ ମାଆ କହେ ରିଚାର୍ଜ୍ କରିଦେ
ଦେଖିବି ମୁଁ ବାଦି ପାଲା ।
ରିଚାର୍ଜ୍ ଦୋକାନ ସବୁଠିରେ ବନ୍ଦ
କାଉଣ୍ଟର କିନ୍ତୁ ଖୋଲା ।।
ରବିବାର ବୋଲି ଭଉଣୀ ଗୁହାରି
ଗୁପଚୁପ ଖିଆ ପିଲା ।
ବଜାରରେ ଦେଖେ ନାହିଁ ଠେଲା ଗାଡ଼ି
କାଉଣ୍ଟର କିନ୍ତୁ ଖୋଲା ।।
ମାଉସୀ ମୋ କହେ ଆଣିବୁ ଯାଆମୋ
କ୍ଷୀର ଟେ ମୋ ପାଇଁ ଭୋଲା ।
ସହର ଯାକ ଟା କେଉଁଠି ପାଉନି
କାଉଣ୍ଟର କିନ୍ତୁ ଖୋଲା ।।
ରବିବାର ବୋଲି ସାହିରୁ ଯେ ଗୋଳି
ହୋଇନାହିଁ କିଛି ଖୋଲା ।
ବୁଝା ପଡୁନାହିଁ କାହିଁକି କେଜାଣି
କାଉଣ୍ଟର କିନ୍ତୁ ଖୋଲା ।।