Library
Profile
ମୋବାଇଲ
ମୋବାଇଲ
ଅଜାଣନ୍ତେ ଆଜି ମୋବାଇଲି ମୁହିଁ
ଛାଡି ଆସିଥିଲି ଘରେ
ମନେ ମୋର ଚିନ୍ତା ଘାରିଦେଲା
କିଏ କଲ କରି ପାରେ ॥
ରିତା କରିଥିବ , ମିତା କରିଥିବ
କରିଥିବ କାଳେ ମିଲି
ଅଷ୍ଟମୀ ବନ୍ଧୁ ସତେ ଯେମିତି ସେ
ପାରୁ ନାହାନ୍ତି କେହି ଭୁଲି ॥
ଘରଣୀ କି ଜାଣେ ଏମାନେ କିଏସେ
ମନ ହେବ ସନ୍ଦେହରେ
ଘରକୁ ଫେରିଲେ ଆଜି ପିଟା ହବ
ବେଲେଣା କି ଛାଞ୍ଚୁଣିରେ ॥
ଅଫିସ ସାରିକି ଘରେ ପହଞ୍ଚିଲେ
ଧିରେ ଗଲି ଭିତରକୁ
କେଜାଣି କିପରି ରୁପରେ ଥିବେ
ଜଣା ଏକା ଠାକୁର ଙ୍କୁ ॥
ଘର ଭିତରକୁ ପସିଲା ବେଳକୁ
ଦେଖିଲି ମୋ ଘରଣୀ କୁ
ଛାଞ୍ଚୁଣି ଧରିକି ଛିଡା ହୋଇଅଛି
ପିଟିବି ଆଜି ତୁମକୁ ॥
>
ପଚାରିଲି ପ୍ରିୟା କଣ ହୋଇଛି
ଏମିତି ଆଜି କି ଭେଷ
ଭାବିଥିଲି ମୁହିଁ ଘରେ ପହଞ୍ଚିଲେ
ବୁଲିଯିବା ସରକଷ ॥
ସରକଷ ଆଜି ଏଇଠି ହୋଇବ
କହିଲା ଚିତ୍କାର କରି
କହିଥିଲି ପରା ଆଣିବା ପାଇଁକି
ସୁନା କାନ ଫୁଲ ଝରି ॥
କାନ ଫୁଲ ପିନ୍ଧି ସଜ ହୋଇ ପରା
ଜିବା ଆମେ ବାପଘର
ସକାଳେ ଏତେ ବୁଝାଇ କହିଲି
ମନୁ ହଜିଲା କି ତୁମର ॥
ଏ କଥା ଶୁଣି ମନରୁ ମୋହର
ଦୁର ହୋଇ ଗଲା ଚିନ୍ତା
ଭାବିଲି ଆଜି ବହୁ ବିପଦରୁ
ବଞ୍ଚାଇ ଦେଲେ ଦେବତା ॥
ମନେ ମନେ ବହୁ ଶପଥ କରିଲି
ସବୁ ପଛେ ଭୁଲି ଜିବି ମୁହିଁ
ମୋବାଇଲି ଭୁଲିବି ନାହିଁ
ମୁଁ ମୋବାଇଲି ଭୁଲିବି ନାହିଁ ॥
