କଳୁଷିତ ପ୍ରାର୍ଥୀ

ପାଇବାକୁ ଗୋଟେ ଭୋଟ

ଦେଇଥିଲି କିଛି ନୋଟ

ବୁଲି ବୁଲି କେତେ ବାଟ

ଦେଖାଇଲି ମୋର ନାଟ l

କାନ୍ଦି କୁମ୍ଭୀର କାନ୍ଦଣା

ସର୍ବେ କଲି ବାଟବଣା

ବଜାଇ ବିକାଶ ବୀଣା

କରିନି ପ୍ରତିଶୃତି ଉଣା l

ଯୁବ ଗୋଷ୍ଠୀ ଏକ କରି

ବାହୀ ନିର୍ବାଚନ ତରୀ

ହାତେ ଭୋଟ ଥଳି ଧରି

ମାଗିଲି ପାଦକୁ ଧରି l

କାଲି ଯେ ଥିଲା ବଇରୀ

ଭାଇ ବା ସେ ଭଗାରି 

ହାତେ ନୋଟ ବିଡା ଧରି

ଧାଇଁଲି ନିଜର କରି l

ଥରେ ଯଦି ଜିତିଯିବି

କୁବେର ନାମେ ମଣିବି

ପ୍ରତିଶୃତି ଭୁଲିଯିବି

ଅନୁଦାନ ଖାଇଯିବି l

କଲେ କିଏ ପ୍ରତିବାଦ

ଚଖେଇବି ଟିକେ ସ୍ୱାଦ

ତଥାପି ରହେ ବିଷାଦ

ଦେଖିବ ଚେଲାଙ୍କ ଖେଦ l