ନିର୍ବାଚନୀ ଛୁଙ୍କ
ନିର୍ବାଚନୀ ଛୁଙ୍କ
ଆଜି ଆସି ତ ଗଲା ଭୋଅଟ,
ଚାରିଆଡ଼େ ଦେଖ ଉଡେ ନୋଅଟ
ବଉଳ ଲୋ
ଆଜି ଭରେ ସବୁରି ପକେଟ ବଉଳଲୋ ।
ଏବେ ଗାଆଁ ଗଳି କନ୍ଦି ଦେଖ,
ଲାଗିଛି ବ୍ୟାନର ଛକକୁ ଛକ
ବଉଳ ଲୋ
ଟିକେ ଭଲକି ନଜର ରଖ
ବଉଳ ଲୋ ।
ଦେଖ କେତେ ରକମର ଚିହ୍ନ,
ନେଳିଆ,ନାଲିଆ ଅନେକ ବର୍ଣ୍ଣ
ବଉଳ ଲୋ,
କିଣି ନେଉଛି ଭୋଟର ମନ
ବଉଳ ଲୋ।
ପୁଣି ଭୋଟ୍ ଜିଲ୍ଲା ପରିଷଦ
ଲଢନ୍ତି କେତେକ ସର୍ପଞ୍ଚ ପଦ
ବଉଳ ଲୋ,
ଓ୍ଵାର୍ଡମେମ୍ଵରଙ୍କ ବେଶୀ ଦ୍ଵନ୍ଦ
ବଉଳଲୋ ।
ଆଜି ମାଇକି ବାଜିବା ମନା
କରୋନା କରିଛି ଯେ କଟକଣା
ବଉଳ ଲୋ
ଚାଲେ ଭିତିରିଆ ଟଙ୍କା ଗଣା
ବଉଳ ଲୋ ।
ବାସେ ସବୁଠି କୁକୁଡ଼ା ଝୋଳ,
ମଦ ବନ୍ୟା ଭାଙ୍ଗେ ଯେ ବନ୍ଧବାଡ
ବଉଳ ଲୋ
ପୁଣି ମଦୁଆଙ୍କ ଗଣ୍ଡଗୋଳ
ବଉଳ ଲୋ ।
ଘରେ ଘରେ ପ୍ରାର୍ଥୀମାନେ ଆସି,
ପାଦ ଧୂଳି ନେଇ ପାଖରେ ବସି
ବଉଳ ଲୋ
କଥା କହନ୍ତି ସେ ହସି ହସି
ବଉଳ ଲୋ ।
ବାଣ୍ଟୁ ଥାଆନ୍ତି ଯେ ଇସ୍ତାହାର,
କେତେ ରକମର ପୁସିଙ୍ଗି କାର୍ଡ
ବଉଳ ଲୋ
କାଳେ ଦୁଃଖ ହରିବେ ଆମର
ବଉଳ ଲୋ ।
ଆଜି, ସବୁ ପ୍ରାର୍ଥୀ ରାମଚନ୍ଦ୍ର,
ଜିତିଲେ ମାନିବେନି ଇନ୍ଦ୍ରଚନ୍ଦ୍ର
ବଉଳ ଲୋ
ଆମ ବେଳ ପଡ଼ିଯିବ ମନ୍ଦ
ବଉଳ ଲୋ ।
ଆଜି କଥାରେ ଭଳି ନ ଯାଅ,
ପ୍ରାର୍ଥୀଙ୍କ ରେକର୍ଡ ଖାତା ଖେଳାଅ
ବଉଳ ଲୋ
କେବେ ଟଙ୍କାରେ ବିକ୍ରୀ ନ ହୁଅ
ବଉଳ ଲୋ ।