ହୋ ଭୋଟରେ ହୋ

ହୋ ଭୋଟରେ ହୋ ଓ

କୁକୁଡ଼ା କୁ ଝୋଳ କଲେ,

ରାଇଜ କୁ ଖୋଳ କଲେ,

ନେତା ବଦଳରେ ଜୋତା ଠିଆ କଲେ

ଭୋଅଟ ଗୋଟେଇ ନେଲେ ।

ହୋ ଭୋଟରେ ହୋ ଓ

ରାଲି ପରେ ରାଲି କଲେ,

ନାଲି ପାଣି ପିଆଇଲେ,

ନୋଅଟ ଧରେଇ ଭାଷଣ ଭାଷିଲେ

କରଜ ବଢ଼ାଇ ଦେଲେ ।

ହୋ ଭୋଟରେ ହୋ ଓ

ନେତା ସିନା ଜିତି ଗଲେ,

ସାଇକଲ ପେଲୁ ଥେଲେ,

ଭୋଟର ବଳରେ ବିଧାୟକ ହେଲେ

ଭୋଟରଙ୍କୁ ଭୁଲି ଗଲେ ।

ହୋ ଭୋଟରେ ହୋ ଓ

ନେତା ଆମଦାନୀ ହେଲେ,

ଅଞ୍ଚଳ କୁ ଭୁଲି ଗଲେ,

ପଦ ପାଇଁ ଗଧ ପାଦ ସେ ଧଇଲେ

ଦଳ ବଦଳେଇ ଦେଲେ ।

ହୋ ଭୋଟରେ ହୋ ଓ

ପିସି କାରବାର ଚାଲେ,

ଦଳୁଆ କାମ ପାଇଲେ,

କିରାଣୀ ଯନ୍ତିରୀ ଓକେ କରିଦେଲେ

ଭୋଟର ଭୋକୁଆ ହେଲେ ।

ହୋ ଭୋଟରେ ହୋ ଓ

ମୂଲଚାଲ କରୁଥିଲେ,

ଭୋଅଟକୁ ବିକୁଥିଲେ,

ବିକାଶ ଯୋଜନା ହରିଲୁଟ ହେଲେ

ମୁହଁରେ ତୁଣ୍ଡୀ ବାନ୍ଧିଲେ ।