ହଜିଗଲା

ଶିକ୍ଷା ରୁ ଚରିତ୍ର

କର୍ମ ଅପବିତ୍ର

ସମାଜ ର ହିତ ହଜିଗଲା

ଉଚ୍ଚ ଶିକ୍ଷା ନେଇ

ବଡ଼ ପଦ ପାଇ

ମାନବତା କାଇଁ ହଜିଗଲା ।

ସ୍ବାଭିମାନୀ ହୋଇ

ଶାଗପେଜ ପିଇ

ଆନନ୍ଦେ ଚଳିବା ହଜିଗଲା

ଦରମା ଗୋଟେଇ

ଉପୁରି କମେଇ

ଆହୁରି ନିଅଣ୍ଟ ରହିଗଲା ।

ପରିବାର ପାଇଁ

ରାତିଦିନ ଧାଇଁ

ସପନର ଘର ଗଢ଼ି ଥିଲା

ବାପା କୁ ଦୂରେଇ

ମାଆ କୁ ଦୂରେଇ

ବୃଦ୍ଧାଶ୍ରମେ ପୁଅ ଛାଡ଼ିଦେଲା ।

ଝିଣ୍ଟିକା ମାରଇ

ବଣିକୁ ପୋଷଇ

ଅଜ୍ଞାନ ଅନ୍ଧାରେ ହଜିଗଲା

ଧର୍ମ କୁ ଅନେଇ

ମାନବ ବୋଲାଇ

ସତ୍ୟ ନ୍ୟାୟ କାହିଁ ହଜିଗଲା ।

●●

©କବି ନିରଞ୍ଜନ ପାଣ୍ଡେ