ପ୍ରେମ ପୀରତି

ଭଲ ପାଇବାଟା

ଭୁଲ ନୁହେଁ ବନ୍ଧୁ

ଆସକ୍ତି ରଖିବା ଭୁଲ

ଅନାସକ୍ତ ଭାବେ

ଯିଏ ଭଲପାଏ

ପାଇଯାଏ ପ୍ରେମ ଫୁଲ ।

ସ୍ନେହ କରିବାଟା

ଭୁଲ ନୁହେଁ ଭାଇ

ସ୍ୱାର୍ଥ ରଖିବାଟା ଭୁଲ

ନିଃସ୍ଵାର୍ଥ ଭାବରେ

ସ୍ନେହ ଯିଏ କରେ

ସ୍ନେହଧାରା ମିଳେ ଭଲ ।

ପ୍ରେମ କରିବାଟା

ପାପ ନୁହେଁ ପ୍ରିୟ ପ୍ରିୟା

ପ୍ରତାରଣା ଦେବା ପାପ

ବିନା ପ୍ରତାରଣେ

ଯିଏ ପ୍ରେମକରେ

ହୋଇଯାଏ ସେ ନିଷ୍ପାପ ।

ହାତ ଧରିବାଟା

ଅପରାଧୀ ନୁହେଁ

ହାତଛଡ଼ା ଅପରାଧ

ସଦା ସର୍ବଦା ଯେ'

ହାତ ଧରିଥାଏ

ଅଟେ ସେହି ପ୍ରେମରାଜ ।

ପ୍ରେମ ବନ୍ଧନରେ

ବାନ୍ଧି ରହିବାଟା

ଭୁଲ ନୁହେଁ ଭୁଲ ନୁହେଁ

ସେ' ପ୍ରେମ ବନ୍ଧନେ

ବିଶ୍ୱାସ ରହିଲେ

ସ୍ୱର୍ଗସୁଖ ମିଳିଯାଏ ।