ଲୁଣିପାଣିର ମିଠା କାରଣ

ସୁଖରେ କାନ୍ଦୁଛି ଦୁଃଖରେ ହସୁଛି

ନିଜକୁ ନିଜେ ସେ କରିଛି ହରଣ

ସମସ୍ତେ ନିର୍ଦୋଷ ଜୀବନରେ ତା'ର

ତା' ଆଖିରେ ପରା ଅଜସ୍ର ଅମୂଲ୍ୟ ସପନ 

ତା' ହୃଦୟରୁ ଜନମିବ ଅନେକ ଶବ୍ଦ ତୋରଣ

ନୟନ ହୁଏ ସ୍ନାନ ତା' ନିଶିଦିନ ହୋଇ ପବିତ୍ର

ସେ ନୟନର ଲୁଣିପାଣିର ରହିଛି ମଧୁର କାରଣ,

ସେ ସବୁ ମଣିଷଙ୍କୁ ବୁଝେ ସ୍ନେହ ପାଖେ ହଜେ

ହେଲେ ତାକୁ ବୁଝନ୍ତି କେବଳ ଈଶ୍ୱର-ଈଶ୍ୱର

ଅନ୍ୟ ସୁଖରେ ସୁଖୀ ଅନ୍ୟ ଲୁହରେ କାନ୍ଦେ

ତା' ମନେ ଶ୍ରଦ୍ଧା, ଭଲପାଇବା ଓ ପ୍ରେମ ପ୍ରଚୁର

ସେ ସ୍ୱାର୍ଥୀ ନୁହେଁ, ଏକଥା କେବଳ ଜାଣନ୍ତି ଠାକୁର 

ସେ ଜିତାଇବାରେ ବିଶ୍ୱାସ ରଖେ ନିଜେ ହାରି

ତା' ଭାବନାର ସାକ୍ଷୀ କେବଳ ପ୍ରଭୁ ଭଗବାନ 

ସେ କାନ୍ଦିଲେ ବି ତା' ଲୁଣିପାଣିର ଅଛି ମିଠାକାରଣ l