ലൈബ്രറി
പ്രൊഫൈൽ
ଜଗନ୍ନାଥ ତୁମେ ସଭିଙ୍କର
ଜଗନ୍ନାଥ ତୁମେ ସଭିଙ୍କର
ଜଗନ୍ନାଥ ତୁମେ ପରଂବ୍ରହ୍ମ
ତୁମେ ଶକ୍ତି ଶାକ୍ତେୟ ଓଁ ନମଃ
ତୁମ ଚରଣ କମଳ ପୂର୍ଣ୍ଣବ୍ରହ୍ମ
ଅଦୃଶ୍ୟ ହାତରେ ଶୁନ୍ୟବ୍ରହ୍ମ
ଆଜି ବି ଶୁଭୁଛି ହୃଦେ ଶଙ୍ଖନାଦ
ଅନାଦି ଅନନ୍ତ ଦାରୁବ୍ରହ୍ମ
ତୁମେ ଥାଉ ଥାଉ ପୁରୀ ଧାମ
କୁଆଡେ ଯିବ ଭକ୍ତ ନାମ ଧାମ
ସକଳ ଆଶାର ବୈତରଣୀ ତୁମେ
ସକାଳ ପୂଜାର ଗଙ୍ଗା ଯମୁନା ସଙ୍ଗମେ
ମୂର୍ଚ୍ଛନାରେ ତୁମେ ଅର୍ଚ୍ଚନାରେ ତୁମେ
ତୁମେ ଗତି ମୁକ୍ତି ଦାତା ମୋ ଛାର ଜନମେ
ତୁମେ ଭରି ତ ଦେଇଛ ବିଶ୍ୱାସ
ତୁମେ ଖଞ୍ଜିଦେଇଛ ନିଶ୍ୱାସ
ଅଗତିର ଗତି କ୍ଷମାର ସାଗର
ସମୁଦ୍ର ଓ ଦିଗବଳୟ ମଝିରେ ଠାକୁର
ପତିତ ଜନଙ୍କୁ ବାରେ ଉଦ୍ଧାର କର
ମାଗୁଅଛି କ୍ଷମା ପାଇ ତଵ ସୁଷମା
ବାହୁଡ଼ି ଯିବା ଆଗୁ ସ୍ୱର୍ଗଦ୍ୱାର
କହିଦେଇ ଯାଏ ସଂସାରେ ଜଗନ୍ନାଥ
ପରଂବ୍ରହ୍ମ କରୁଣା ଅପାର ସେ ସଭିଙ୍କର
ତୁମେ ହିଁ ଦିବ୍ୟାଙ୍ଗ ଆକାର ନିରାକାର
ଭିର୍ନ୍ନକ୍ଷମ ନୁହଁ ବାରତା ତୁମର
ଗଢ଼ିଅଛ ଯେଉଁ ଦିବ୍ୟାଙ୍ଗ ସଚରାଚାର
ନିଶ୍ଚୟ ତୁମରି ଅଙ୍ଗରୁ ବାହାର
କୃତିତ୍ୱ ଗରିମା ଦେଇଛ ଅପାର
ଶକ୍ତି ଭରିଛ ଭିତରେ ତାଙ୍କର
ପ୍ରସ୍ଫୁଟିତ ଫୁଲ ସେମାନେ ତୁମ ହୃଦୟର
ଜଗତ ଜିଣିବେ କରୁଣା ପାଇବେ
ତୁମ ଚକାଆଖି କହେ ବାରବାର
ଅଣାକାର ତୁମେ ପ୍ରଣାମ ସଭିଙ୍କ ଘେନାକର ।।
