ପ୍ରେମ ଫାଟ

ସରିଗଲା ଆମ       ସୁମଧୁର ପ୍ରେମ

       ଯାହାଥିଲା କାଲି ସର

ପର କରି ଆଜି       ଦୁରେଇ ଚାଲିଲୁ

      ଭୁଲିଯାଇ ପ୍ରେମ ମୋର |

ସତ ଥିଲା ମୋର    ପ୍ରଣୟ ସମ୍ପର୍କ

      ନ ଥିଲା ପ୍ରେମରେ ସ୍ୱାର୍ଥ

କହ ତୁହି ପ୍ରିୟା       ଦୂର କରି ମୋତେ

       ପାଇଲୁ କି କିଛି ଅର୍ଥ |

ବେଇମାନି ହେଲୁ     ପ୍ରତାରଣା ଦେଇ

      ଛାଡି ପ୍ରିୟା ଆଜି ମୋତେ

କେଉଁ ସୁଖ ପାଇଁ      ଚିନ୍ତିତ ହୋଇଲୁ

       କହିପାରିବୁ କି ମୋତେ?

କହିଥିଲୁ ଦିନେ        ଆଲୋ ସ୍ୱାର୍ଥପରୀ!

        ଅଟେ ମୁଁ ତୋ ଜୀବଧନ

ଆଜି ଏହି କଥା       କିଭଳି ଭୁଲିଲୁ

       କିଭଳି ହସେ ତୋ ମନ?

କରି ମୁଁ ନ ଥିଲି       କାହାକୁ ନିଜର

       ଚାଲୁଥିଲି ସଦା ଏକା

ତୋ ଛଳ ପ୍ରେମରେ  ବାନ୍ଧିଦେଇ ମୋତେ

     ଆଜି ଦେଇଗଲୁ ଧୋକା |

କାହିଁକି କରିଲୁ        ପ୍ରେମର ବାହାନା

        ମିଠା ମିଠା କଥା କହି

ସୁସ୍ୱାଦୁ ପ୍ରେମରେ     କଳଙ୍କ ଲଗେଇ

      ଗଲୁ ବିଷ ମୋତେ ଦେଇ |

ଲୁଟିନେଲୁ ମୋର     ଯାହାଥିଲା ଧନ

       ଦୀନ ହୀନ କରି ମୋତେ

ତୋ ଛଳ ପ୍ରେମରେ  ଧୋକା ଖାଇ ଆଜି

        ପିଉଛି ଲୁହ ମୁଁ କେତେ |

ଭାବିଥିଲି ଦିନେ      ଥିବ ଆମ ପ୍ରେମ

       କ୍ଷୀରନୀର ହୋଇ ସଦା

ଛାଡ଼ିଦେଲା କ୍ଷୀର    ନୀରକୁ ତାହାର

       ନୀର ହୋଇଗଲା ଅଧା ||