ପ୍ରେମ ନୁହେଁ ବାଲିଘର

ପ୍ରତି ମୁହୂର୍ତ୍ତରେ ଖୋଜୁଥାଏ ତା'କୁ

ହଜି ଯାଏ ସପନରେ

ଯେତେ ଖୋଜିଲି ମୁଁ ପାଉନାହିଁ ଆଜି

ପାଗଳ ତା' ପ୍ରେମରେ ।

ତଥାପି ହୃଦୟରେ ରଖିଛି ତା'କୁ

ସେ ମୋ ହୃଦୟର ରାଣୀ 

ତା ପାଇଁ ନିତି ପାଗଳ ହୁଏ ମନ

କାହିଁକି ବୁଝି ପାରୁନି ।

ଜାଣିନି ଆଜି କୋଉଠି ଅଛି ପ୍ରିୟା

ତଥାପି ମୁଁ ତା'କୁ ଖୋଜେ

ଶରତ ସନ୍ଧ୍ଯାରେ ଚାନ୍ଦିନୀ ରାତିରେ

ଭାବନାରେ ନିତି ହଜେ ।

ଅଢେଇ ଅକ୍ଷର ପ୍ରେମରେ ସତରେ

ଜଳୁଥାଏ ସାରା ରାତି

ମୋ ଛାତିର ସ୍ପନ୍ଦନ ଖୋଜୁଛି ତା'କୁ

ଝୁରୁଛି ନିତି ଏମିତି ।

ପ୍ରେମ ନୁହେଁ କେବେ ବାଲିଘର ପ୍ରିୟା

ନିମିଷକେ ଭାଙ୍ଗିଦେବ 

ଭଲପାଏ ବୋଲି ଦେଖିଥିଲି ସ୍ୱପ୍ନ 

କୁହ କେବେ ମୋର ହେବ ।