ସମୟର ଖେଳ

ସବୁ କିଛି ଏଠି ସମୟର ଖେଳ 

 ବନ୍ଧୁ କିଏ ବା କହିବ

କାହା ମୁଣ୍ଡରେ ଅଜାଡ଼ି

ଦେବ ଦୁଃଖର ପାହାଡ଼ ll

କିଏ ବା ଜାଣିଛି ଯେ

ସେ ସମୟ ଦିନେ

ଖୋଜି ଆଣି ଦେବ

ଅନେକ ସୁଖର ସମ୍ଭାର ll

ଠିକ୍ ଯେମିତି କଥାରେ ଅଛି

ପିଲାଦିନେ ଶୁଣିଥିବା 

ସେଇ ବୁଢ଼ୀ ଅସୁରୁଣୀ ଗପ ll

ଅକାତ କାତ ପାଣି ଭିତରେ 

ଥିବା ସେଇ ସିନ୍ଧୁକର ସନ୍ଧାନ 

କାହାକୁ ବା ଏଠି ମିଳିବ ll

ସମୟ ବୁଝେନା 

କିଏ ଧନୀ କିଏ ଗରିବ 

ସମୟ ବୁଝେନା

ସକାଳ କି ସଞ୍ଜ 

ଅବିରତ ବହି ଚାଲେ

ସମୟର ନଈ  ll

ସମୟ ତ ଏଠି 

ବହୁ ମୂଲ୍ୟବାନ 

ତା ଠାରୁ ନୁହଁ ଆଉ

କେହିଁ ବଳବାନ 

ଏ ହେଉଛି ସମୟର ବଳ 

ସବୁ କିଛି ଏଠି

ସମୟର ଖେଳ ।।