ଆତ୍ମା ଯେବେ ଗାଏ ଗୀତ
ଆତ୍ମା ଯେବେ ଗାଏ ଗୀତ
1 min
372
ଆତ୍ମା ବିନା ଏ ଶରୀର ଅଧୁରା
ନୁହେଁ ସେ ଜୀବନ୍ତ
ନା ତା'ର ରୂପ ଅଛି ନା ତା'ର ସୌନ୍ଦର୍ଯ୍ଯ
ନା ଅଛି ଆଦି ଅନ୍ତ ।।
କେତେବେଳେ ସୁଖ କେତେବେଳେ ଦୁଃଖ
ଯନ୍ତ୍ରଣାରେ ଜର୍ଜରିତ
ଅନ୍ତର ବେଦନାକୁ ପ୍ରକାଶ କରେ
ଦେଖ ଆତ୍ମା ଗାଏ ଗୀତ ।।
ମିଛ ମାୟାର ସଂସାରରେ ଏଠି
ହୁଏ ଆଜି ଛଟପଟ
କେବେ ହେବ ଅପେକ୍ଷାର ଅନ୍ତ
ପରମାତ୍ମାର ଭେଟ ।।
ଦୁନିଆଁ ବଦଳେ ଋତୁ ବି ବଦଳେ
ଆତ୍ମା ବଦଳେ ନାହିଁ
ଯେତେ ଦୁଃଖ କଷ୍ଟ ଆସିଲେ ଜୀବନେ
ସବୁ ଯାଏ ସହି ।।
ପିଣ୍ଡରୁ ପ୍ରାଣ ଯେବେ ଯାଇଥାଏ ଚାଲି
ପଡ଼ି ରହେ ଶରୀର
ଆତ୍ମା କୁ କେବେ ଦେଖି ହୁଏ ନାହିଁ
ଯାଏ ସେ ସରଗ ପୁର ।।