ହଁ ହଁ ମୁଁ ଚାଷୀ
ହଁ ହଁ ମୁଁ ଚାଷୀ
ହଁ ହଁ ମୁଁ ଚାଷୀ
ସଭିଙ୍କ ଓଠରେ ଦେଇଥାଏ
ମୁଁ ଟିକିଏ ମୁରୁକି ହସି ,
ଋଣ ଭାରେ ପଛେ
ମୁଁ ବୁଡ଼ି ମରିଥାଏ
ତଥାପି ମୁଁ ଏଠି
ବହୁତ ଖୁସି
ହଁ ହଁ ମୁଁ ଚାଷୀ ।
ମାଟିର ମଣିଷ ମୁଁ
ମାଟି ସାଙ୍ଗେ ଯାଇଥାଏ
ନିଇତି ଏମିତି ମିଶି ,
ଯେତେ ଝଡ଼ ଝଞ୍ଜା
ଆସିଲେ ଜୀବନେ
ଯାଏନି କେବେ ମୁଁ ଋଷି
ହଁ ହଁ ମୁଁ ଚାଷୀ ।
ଦାନା ମୁଁ ଯୋଗାଏ
ସଭିଙ୍କୁ ଖୁସିରେ
ଖରା ବରଷାକୁ
ଖାତିରି ନାହିଁ ରେ
ହଳ,ଲଙ୍ଗଳ ମୋ
ପ୍ରକୃତ ସାଥୀ
ହଁ ହଁ ମୁଁ ଚାଷୀ ।
ମାଟି କାଦୁଅରେ
କରିଛି ଘର ,ଘର ମୋର
ଅଟେ ସରଗ ପୁର,
ସେଇ ମାଟି ମୋର
ସବୁଠୁ ନିଜର
ମାଟି କୁ କରିବି ମୁଁ
କେମିତି ପର ,
ମୁଁ ପରା ସବୁଠୁ ଖୁସି
ହଁ ହଁ ମୁଁ ଚାଷୀ ।
ବରଷା ଉପରେ କରିଛି
ଭରସା, କେବେ କେବେ
କରେ ମତେ ସେ ନିରାଶା
ବାଟ ଭାଙ୍ଗି କେବେ ମୁଁ
ଯାଏନି ଋଷି ,ପଖାଳ
କଂସାରେ ହୁଏ ମୁଁ ଖୁସି
ହଁ ହଁ ମୁଁ ଚାଷୀ ।