ପ୍ରେମ ମୂର୍ତ୍ତି

ଭାବ ଦେଇ ଯେବେ ଅଭାବ କରିବ 

 ରାଧା ହୋଇବନି ଗରିବ

ପ୍ରେମ ପୂଜାରିଣୀ ରାଧା ଆହ୍ଲାଦିନୀ 

ମାଧବ ହିଁ ରାଧା ବିଭବ ।

ରୂପରେଖ ନାହିଁ ରାଧା ଶୂନ୍ୟ ଦେହୀ

ଗୋପପୁର ରାଈ ଜେମା

ତା ବିହୁନେ ଶୂନ୍ୟ ନିରବ ନିଶ୍ଚଳ

ପ୍ରକୃତି ଭାବ ଚେତନା ।

ଅଷ୍ଟପାଟବଂଶୀ ବିଳାସ ପ୍ରାସାଦ

ଭାବ ବିନା ସବୁ ତୁଚ୍ଛ

ତୋଳି ପାରିବନି ରାଗ ପଞ୍ଚମକୁ

ବଂଶୀ ଅନୁଚ୍ଚାଟ ରିକ୍ତ ।

ଭାବକୁ ନିକଟ ଅଭାବକୁ ଦୂର

ପ୍ରେମ ସତ୍ୟ ଚିରନ୍ତନ

ପ୍ରେମ ଅପ୍ରାକୃତ ରାଧା ଅନୁଭବୀ

ବଂଶୀର ଅମୃତ ସ୍ୱନ ।

ନାହିଁ ଜରା ମୃତ୍ୟୁ ସନାତନ ନିତ୍ୟ

ପ୍ରେମ ଜଗତରେ ସାର

ପ୍ରେମାନନ୍ଦେ ମନ ଉଲ୍ଲାସ ବିଭୋର

ପ୍ରେମ ବିଭୂତି ଅପାର ।

ରାଧା ପୂର୍ଣ୍ଣମାସୀ କୃଷ୍ଣ ପୂର୍ଣ୍ଣକାମ

ସାକ୍ଷୀ ପୂର୍ଣ୍ଣ ଫଗୁ ଜହ୍ନ

ଅବିର ରଙ୍ଗରେ ପରମ ଆରାଧ୍ୟ

ପ୍ରେମମୂର୍ତ୍ତି ରାଧାକୃଷ୍ଣ ।

 --------