ପ୍ରେମ ମୋର ମଲାଜହ୍ନ

ମ ---ମଲେ  ମରିଯିବି  ତୁମ  ପ୍ରେମେ ପ୍ରିୟା

    ମରିବାକୁ  ମୋର  ଟିକେ  ଡର  ନାହିଁ,

    ମନ  ମନ୍ଦିରରେ    ପୂଜୁଛି  ତୁମକୁ,

    ମମତାଜ  ଭାବି  ନିତି  ହୃଦେ  ମୁହିଁ l

ଲା -- ଲାଜ  ଲାଗୁଅଛି  କହିବାକୁ   ଯେତେ

     ଲାଜେଇ  ଯାଉଛି  ମୁଁ  ପାଖକୁ ଗଲେ,

     ଲାଲ - ଟୁକୁଟୁକୁ  ମୋ  ସାଧବ  ବୋହୂ   

    ଲାଖିଯାଏ  ପଡି  ତୁମ  ପ୍ରେମ  ଜାଲେ  l

ଜ -- ଯଉବନ  ଯଉ  ଘରେ    ନିଆଁ   ଦେଇ

    ଜଳାଇ   ଚାଲିଗଲ  ମୋ   ହୃଦୟକୁ,

    ରୂପା  ଜହ୍ନ  ଭାବି  ପାଇଥିଲି  ଭଲ

    ଜଟାଇଦେଲ ମୋତେ  ମଲା ଜହ୍ନକୁ  l

ହ୍ନ --- ଜହ୍ନ ତ ଯାଇଛି  ଚିହ୍ନ ତ  ରହିଛି

    ଅଚିହ୍ନା  ଅଜଣା  ସବୁ ଯେ  ଲାଗୁଛି,

    ଜହ୍ନ  ଯେପରି  ଦିଶେ  ଅମାବାସ୍ୟାରେ

    ଜହ୍ନ  ବିନା   ମନାକାଶ  ଘନଉଛି l