ପ୍ରେମ ଦାନ

ପ୍ରୀତି କଦମ୍ବର ଡାଳେ ପ୍ରେମର ରାଗିଣୀ

ଛନ୍ଦେ ଛନ୍ଦେ ତୋଳିନିଏ ବିରହର ଧ୍ୱନି

ପ୍ରେମ ଦାନର ଅମୂଲ୍ୟ କାହାଣୀ

ରଚିଯାଏ ଦୁଇଟି ହୃଦୟ ମିଳନର

ସମ୍ପର୍କର ସୂତାଖି ର ମହା ସେତୁବନ୍ଧଟିଏ,

ଚିର ଶାସ୍ବତ ପ୍ରେମରେ ନଥାଏ ଆବିଳତା

ରହିଯାଏ କେତେ ସ୍ମୃତି ଗାଥା

ପ୍ରେମର ସପ୍ତରଙ୍ଗ ଇନ୍ଦ୍ରଧନୁ

ଜୀବନ ର ସବୁ ଖୁସିକୁ ସାଉଁଟି ନିଏ

ପ୍ରେମର ମନ୍ଦାକିନୀ ସ୍ରୋତ ରେ

ଭାସି ଭାସି ଚାଲିବାକୁ ପଡ଼ିଥାଏ

ସଂସାର ସାଗର କୂଳରେ

ଦୁହେଁ ଦୁହିଁଙ୍କ ପାଇଁ ବଂଚିବାର ସାହାରାରେ।