ପ୍ରେମ ଚିଠି

ଦିନ ଥିଲା ତୁମେ ଚିଠି ଲେଖୁଥିଲ

ଅନେକ ଅନେକ ସପନ ନେଇ

ସପନେ ସପନେ ଲେଖୁଥିଲ ତୁମେ

ମରମ ତଳର ଦରଦ ବହି

ପାରୁନି କହି ମୁଁ ପାରୁନି ରହି

ପ୍ରେମର ଯାତନା ହୁଏନା ସହି ।

ଚିଠି ତୁମ ଆଜି ପୁରୁଣା ହେଇଛି

ସ୍ମୃତିର ମହକ ଯାଇନି ଚାଲି

ଯେବେ ମୁଁ ପଢୁଛି ନିରୋଳାରେ କେବେ

ତୁମ ପ୍ରୀତି କେବେ ପାରେନା ଭୁଲି

କେମିତି ଭୁଲି ବି ସେ ସ୍ମୃତିର ଗାଥା

ମନ ତଳେ ଉଠେ ଚେଇଁ ।

ତୁମେ ଚାଲି ଗଲ ଏ ମନକୁ ନେଇ

ସେ ଦିନୁ ତୁମକୁ ରହିଛି ଚାହିଁ

ଭାବି ନ ଥିଲି ମୁଁ ସପନରେ ଥରେ

ତୁମେ ଏମିତିକା ପାରିବ ହୋଇ

ଶୂନ୍ୟତା ମାପୁଛି ହୃଦୟର ମୋର

ତୁମ ବିନେ ଯାହା ଯାଇଛି ରହି

ଏ ଜନମେ ତୁମେ ହେଲନି ମୋ ପ୍ରିୟା

ଆର ଜନମକୁ ରହିଲି ଚାହିଁ ।