ପ୍ରେମ
ପ୍ରେମ
କି ସମ୍ପର୍କ ଦେଇ ଆରମ୍ଭ କରିବି
ଭାବିତ ପାରୁନି କିଛି ।
ତମେ ତମେ ବୋଲି ସମ୍ବୋଧନ ଦେଲି
ତମେ ଏକ ପ୍ରଶ୍ନବାଚୀ ।
କେମିତି କହିବି କିପରି କହିବି
ଜାଣି ତ ପାରୁନି କିଛି ।
ତୁମ ଦର୍ଶନେ ମାତ୍ରକେ ମନ ମୋର
କାହିଁ ହୁଏ କିଛି କିଛି ।
କାହାସହ କେତେବେଳେ ହୁଏ ଦେଖା
ଏ ଜୀବନ ଏମିତିକା ।
କେଜାଣି କାହିଁକି ଦିନେ ନଦେଖିଲେ
ଲାଗେ ମୋତେ ଫିକା ଫିକା ।
ମନ ଗହନରେ ସାଧା କାଗଜରେ
ଆଙ୍କି ଦେଲି ତୁମ ଛବି ।
ଅଲିଭା ଅକ୍ଷରେ ଲେଖି ହୋଇଗଲା
ହୃଦୟର ପ୍ରତଛବି ।
ଏହା ମୋ ପାଗଳାମି ଭଲ ପାଇବା
ଯାହା କିଛି ଭାବିପାର ।
କିନ୍ତୁ ସତ କହୁଛି ଆଜି ତୁମକୁ
ନିତ୍ୟ ଝୁରେ ମନ ମୋର ।