ପ୍ରେମ

ପ୍ରେମ ନୁହେଁ ଖେଳ ଖେଳିବ ଦି ଦିନ

  ମନ ଇଚ୍ଛା ଭାଙ୍ଗିଦେବ

ପ୍ରେମ ତ ଶାଶ୍ଵତ ଶୁଦ୍ଧ ଅନ୍ତଃ ସ୍ରୋତ

   ନୈସର୍ଗିକ ଅନୁଭଵ।।

ପ୍ରେମ ଶୁଦ୍ଧ ପୂତ ସର୍ବଦା ପବିତ୍ର

   ହୃଦ ମନ୍ଦାକିନୀ ଧାରା

ପ୍ରେମର ମହତ୍ତ୍ଵ ତ୍ୟାଗେ ସମାହିତ

   ନୁହେଁ କଳଙ୍କ ପସରା।

କାମନା ବାସନା ଛଳନା ଲାଞ୍ଛନା

  ପ୍ରେମରେ କେବେ ନ ଥାଏ

ନୁହେଁ ସେ ଦୈହିକ ଆଶାତୀତ ସୁଖ

   ମର୍ଯ୍ୟାଦାକୁ ଲଙ୍ଘି ଯାଏ।

ନ ବୁଝି ନ ଶୁଝି କରନ୍ତି ବିକୃତି

  ସେ ସ୍ୱର୍ଗୀୟ ଭାବନାକୁ

ସେ ଅମର ପ୍ରେମ ସତ୍ୟ ଚିରନ୍ତନ

    ରହିଛି ଯୁଗ ଯୁଗକୁ l