ପ୍ରେମ ବସନ୍ତ

ଆସି ଚାଲିଯାଏ   ଗୋପନେ ବସନ୍ତ

      ମୃଦୁପାଦେ ଲୁଚିଛପି

ଜଳୁଥାଏ ଦେହ    ବରଷ ତମାମ

     ଅତି ଶୀତ ବର୍ଷା ତାତି ।

ଫିକା ପଡିଯାଏ    ରଙ୍ଗର ଚମକ

      ବହେନି ମୃଦୁ ମଳୟ

ମହକି ପାରେନି    ସୁଗନ୍ଧ ସୁରଭି

      ଘାରୁଛି ବିଷ ବଳୟ ।

କମୁଛି ଅମଳ    ସୁନାର ଫସଲ

      ଅଦିନିଆ ବର୍ଷା ଝଡି

ମାଡିଯାଏ ଘାସ   ବାଳୁଙ୍ଗା ପ୍ରବଳ

     ମୂଳ ପାରେନାହିଁ ବଢି ।

ବଢେ ଅହଙ୍କାର  ରୋଗ ମହାମାରୀ

      ଦୁର୍ବିସହ ଉତ୍ପୀଡ଼ନ

ହୁଏ କ୍ଷତିଗ୍ରସ୍ତ    ବୃତ୍ତି ଆଜୀବିକା

     ଜୀବନ ସଙ୍କଟାପନ୍ନ ।

ପ୍ରେମ ଚିରନ୍ତନ   ପ୍ରୟାସ ସୁନ୍ଦର

     ସାଧନା ଅମୃତ ଦିବ୍ୟ

ଯନ୍ତ୍ର ମାନବର    କୃତ୍ରିମ ହୃଦୟେ

      ବିମର୍ଷଇ ପ୍ରେମଭାବ ।

ହେଉ ମଧୁମୟ   ଜୀବନ ସ୍ୱଚ୍ଛନ୍ଦ

      ଗାଅ ପିକ ମୁକ୍ତ କଣ୍ଠ

ଆସ ଋତୁରାଜ   ଫୁଲଫଗୁଣରେ

     ପ୍ରକଟ ପ୍ରେମ ବସନ୍ତ ।