ପରେ କହିବି :୦୬

ମୁଁ ଜାଣିନି;

ପୂର୍ବଠାରୁ ଆଜିକାଲି

ଏଇ "ପରେ କହିବି"

କେଜାଣି କାହିଁକି

ଏତେ ଭଲ ଲାଗେ,

ପ୍ରାପ୍ତିରେ ନା, ସମାପ୍ତିରେ

ସେଇ କଥା ବି

ବୁଝି ପାରେନି,

କିନ୍ତୁ , ଖୁବ୍ ଆପଣାର ଆପଣାର ଲାଗେ ।

ଏକ ଆସ୍ୱସ୍ତିକର ପ୍ରବଣତାରେ

ସମ୍ଭାବନା ଓ ସୀକୃତିର

ଛାୟାତଳର ଆକାଶଟା

ବେଶ୍ ଇନ୍ଦ୍ରଧନୁମୟ ହୋଇଉଠେ

ଆକାଶ, ଜହ୍ନ , ତାରା, ନକ୍ଷତ୍ର

ସବୁକିଛି ଲାଗେ,

ନିଜ ହାତ ପାହାନ୍ତାରେ

ଏବେ ଯେବେ ତୁମେ କହିଦିଅ,

" ଆଗ କଥା ସବୁ କହିବି ପରେ"

ସୁପ୍ତ ପ୍ରଣୟ, ଗୁପ୍ତ ଅଭିପ୍ରାୟ

ପୁଣି ଝାପ୍ସା ଝାପ୍ସା

ଆଶଙ୍କା ମିଶ୍ରିତ ଆକର୍ଷଣ

ଏକତ୍ରିତ ହୋଇ ଛିଣ୍ଡି ପଡ଼େ

ମୋ ମୁଣ୍ଡ ଉପରେ

ଏବେ ଯେବେ ତୁମେ କହିଦିଅ,

" ଆଗ କଥା ସବୁ କହିବି ପରେ" ।।