ପ୍ରବନ୍ଧ
ପ୍ରବନ୍ଧ
କିଶୋର ବୟସ ମହକେ ସୁବାସ
ବାସେ ଚନ୍ଦନ ତୁଳସୀ
ଉଦୟେ ଅରୁଣ ଅଭ୍ୟାସେ ସୁଗୁଣ
ଉଠେ ଆତ୍ମ ଫୁଲ ହସି ।
ବିକଶୁ କଳିକା ସରସ କୋମଳେ
ଲୋଡା ଶିକ୍ଷା ଉପଚାର
ଢାଳ ମନ ପ୍ରାଣ ସ୍ନେହ ଓ ସୋହାଗ
ବୃଦ୍ଧି ହେଉ ସୁବିଚାର ।
ଆପଣା ଭିତରେ ରହିଛି ସୁଗୁଣ
ମୂଳ ରୂପ ରସ ଗନ୍ଧ
ସୁବିକାଶ ହେଉ ସୁପରିବେଶେ
ସୁଷମ ହେଉ ପ୍ରବନ୍ଧ ।
ଉତ୍ତମ ପ୍ରଚେଷ୍ଟା ସହଯୋଗ ବଳେ
ପୁଷ୍କଳ ପୂର୍ଣ୍ଣ ଉନ୍ମେଷ
ନ ହେଲେ ସଚେତ ଉଦ୍ୟୋଗ ସଜଗ
ମନ କୋମଳ ବିମର୍ଷ ।
ଧ୍ୱଂସ ବିନାଶକ ଅନ୍ଧକାର ପଥୁ
ରହନ୍ତୁ କିଶୋର ଦୂରେ
ଅର୍ଜିବେ ସଂଜ୍ଞାନ ସଠିକ୍ ସମୟେ
ନିଜେ ସ୍ୱ ଅଭିଜ୍ଞତା ବଳେ ।।