ଲାଇବ୍ରେରୀ
ପ୍ରୋଫାଇଲ୍
ପ୍ରଭୂ ତମ ଚରଣରେ
ପ୍ରଭୂ ତମ ଚରଣରେ
1 min
614
ଜୀବନର ଚଲା ବାଟେ ଏକା ମୁଁ ବାଟୋଇ
ଦୁଃଖ ଅଧିକ ପ୍ରଭୂ ସୁଖ ମୋ ଭାଗ୍ୟରେ କି ନାହିଁ ll
ଡରୁ ଥାଇ ମନେ ମନେ କିଛି କହେ ନାହିଁ କାହାକୁ
ହେ ପ୍ରଭୂ କୃପା କର ମୋତେ ନିଅ ତୁମ ପାଖକୁ ll
ଅଜ୍ଞାନୀ ମଣିଷ ମୁଁହି ସଂସାରେ ନାହିଁ ମୋ ଅସ୍ଥିତ୍ଵ
ଆଜ୍ଞା ଧିନ ଅଟେ ପ୍ରଭୁ ତୁମ କରୁଣା ଆଶ୍ରିତ ll
ସ୍ନେହ ପ୍ରେମ ଶ୍ରଦ୍ଧା କର ଜଗତ ପ୍ରାଣୀଙ୍କୁ
ସର୍ବେ ବୋଲନ୍ତି ତୁମ ନାମ ଅକ୍ଷରକୁ ll
ଜଗତର ନାଥ ସେ ଅଟେ କାଳିଆ ସାଆନ୍ତ
ଜାତି ଧର୍ମ ଦେଖେ ନାହିଁ ସେ ଏକା ବୋଲାଏ ଜଗତ ll
କରୁଣା ସାଗର ବାରେ ଆହେ ନିରାକାର
ପଥରକୁ ପାଣି କର ତମ ମାୟାଅଟେ ଯେ ଅପାର ll
ଶୁଣିଥିଲି ପିଲାଦିନେ ମାଙ୍କ ପାଖରେ
ବଡ଼ ତୁମେ ଅଟ ପ୍ରଭୂ ଏ ସାରା ଜଗତରେ ll
ବଡ଼ ଦେଉଳରେ ରହି ଦେଖୁଥାଅ ନାଟ
ଏ ସଂସାର ଜାଣି ନାହିଁ ତୁମେ ବୋଲାଉଛ ବାଟ ll
ସଭିଏଁ କହନ୍ତି ତମେ ଅଛ ଆକାଶ ମାଟିରେ
କେବେ ଦେଖି ନାହିଁ ପ୍ରଭୁ ଏ ମର୍ତ୍ତ୍ୟ ପୁରୀରେ ll
ମାଟି ଦେହ ଶେଷ ହେବ ଏ ବିଶ୍ବ ବ୍ରହ୍ମାଣ୍ଡରେ
ଥରୁଟିଏ ଦରଶନ ଦିଅ ପ୍ରଭୁ ମୁଁ ଶୋଇଯିବି ନିରନ୍ତରେ ll
