ପଣିକିଆ ଗୀତ
ପଣିକିଆ ଗୀତ
ଦୁଇ ଏକେ ଦୁଇ
ଆସରେ ପିଲେ ପଢିବା ପାଠ
ସୁନା ପିଲା ହୋଇ ।
ଦୁଇ ଦୁଗୁଣେ ଚାରି
ପଢିଲେ ପାଠ ବଢିବ ଜ୍ଞାନ
ମନେ ଖୁସି ଭରି ।
ଦୁଇ ତିରିକି ଛଅ
ପଢିବା ପାଇଁ ପାଠକୁ ତୁମେ
ମନୋଯୋଗୀ ହୁଅ ।
ଦୁଇ ଚଉକୁ ଆଠ
ମନ ଦେଇ ପଢିଲେ ଆମେ
ଭାରି ସହଜ ପାଠ ।
ଦୁଇ ପଞ୍ଚା ଦଶ
ବିଦ୍ୟା ଆମର ଉତ୍ତମ ବନ୍ଧୁ
ମୁଖେ ଦେବ ହସ ।
ଦୁଇ ଷୋଖ ବାର
ଆମ ପାଖେ ସଦା ବିଦ୍ୟା ଥିବ
କ୍ଷୟ ନାହିଁ ତା'ର ।
ଦୁଇ ସତା ଚଉଦ
ବିଦ୍ୟାକୁ ଆମେ ସାଙ୍ଗ କରିଲେ
ନାଶିବ ଆମ ଖେଦ ।
ଦୁଇ ଅଷ୍ଟା ଷୋହଳ
ପାଖରେ ବିଦ୍ୟା ଆମରି ଥିଲେ
ଆପେ ଆସିବ ବଳ ।
ଦୁଇ ନୁଆ ଅଠର
ବିଦ୍ୟାକୁ ଜାଣିଲ ବିଦ୍ୟା ସହ
ସାଙ୍ଗ ହୁଅ ଏଥର ।
ଦୁଇ ଦଶା କୋଡିଏ
ସାଙ୍ଗ ହୋଇ ବିଦ୍ୟା ସହିତ
ଭଲରେ ରୁହ ସଭିଏଁ ।